Vuávájeijee virgesajasâšvuođâ |
|
|
Sämitigge almoot uuccâmnáál ton ohtâvuođâst tuáimee Tave-Suomâ sosiaalsyergi mättimkuávdáá sämiohtâduv vuávájeijee virgesajasâšvuođâ.
Vuávájeijee toimâsaje lii sämitige čäällimkoddeest säämi kulttuurkuávdáš Sajosist. Vuávájeijee pargoh láá miäruštâllum sämitige pargo-oornigist. Tohálâšvuođâvátámâššân lii virge vaattâm škovlim já lasevátámâššân sämikielâ táiđu (asâttâs 1727/95). Pargo miänástuvvee tipšom iššeed hiäivulâš ollâškovlâtuđhos já kelijdeijee sosiaalhuolâttâs tubdâmuš. Pälkki miärášuvá sämitige pälkkivuáháduv vátávâšvuođâtääsi IV/IV-III mield (vuáđupälkki kooskâst 2 391,60 – 2 448,54 eurod/mp). Sajasâšvuotâ álgá 1.1.2013 já pištá 24.5.2013 räi. Ucâmušâid lahtosijdiskuin kalga toimâttiđ sämitige čäällimkoodán 3.12.2012 tme 16.00 räi čujottâssáin Sajos, 99870 Aanaar. Lasetiäđuid pargoost uážžu sosiaal- já tiervâsvuođâčällee Pia Ruotsast puh. 010 839 3106.
|