Säminuorâi taaidâtábáhtus uárnejuvvoo taan ive Heta škovlâkuávdáást 13.-14.3.2013. Taaidâtábáhtus lii kyehtipiäivásâš. Ton aalgât koskohoeehid konsert, mon uáivilávtástellee lii rap-musijkkár Ailu Valle. Suu lasseen konsertist láá maaŋgah iärráseh, tego Ibbá Lauhamaa, Powerdancers, Mikkel Rasmus Logje, Anna-Reetta Niemelä, Ingá-Máret Gaup-Juuso já Issát Sámmol Hætta. Konsert lii puohháid áávus já nuuvtá.

Säminuorâi taaidâtábáhtusân láá puáttâm pyereest almottâtmeh. Kuovâmáánu loopâ räi almottâtmeh láá puáttâm jo 280, mut ko majemuuh almottâtmeh puátih, lii loho vaarâ jo paijeel 300. Taan ive uásálisteeh láá párnááh já nuorah pirrâ sämikuávlu, ohtsis 11 eres škoovlâst. Meid Ruáivinjaargâst já Oulust puátih uásálisteeh. Teatterkiišton láá almottâttâm kuttâ eres teatterjuávhu. Kove já tihtâkiišton, mon fáddán lii ”Nils-Aslak Valkeapää šoddâmist 70 ihheed, láá puáttâm uásálistmeh puohhâin tain 11 škoovlâin.

Säminuorâi taaidâtábáhtus lii uási Nuorâ Kulttuur -tábáhtus. Taaidâtábáhtus eres uárnejeijeeh láá: Johtti Sápmelaččat ry, Iänuduv kieldâ, Sämitige nuorâirääđi, Säämi muusikkuávdáš, Säämi párnáikulttuurkuávdáš já Skábma elleekovekuávdáš.

Lasetiäđuid Säminuorâi taaidâtábáhtusâst kaavnah täst.

Taan ive Säminuorâi taaidâtábáhtus kávnoo meid facebookist:  

Uáinip Hettaast!