Kuorâttâllâmmiäldásii staatâtorjuu koskâsâš kriiteer lii ovdediđ já paijeentoollâđ maaŋgâpiälásâš taaiđâ- já kulttuurfalâlduv, nanodiđ väldikodálávt jieškote-uv taaiđâsuorgijd, ovdediđ aalmugjesânij täsiárvusâš já oovtviärdásâš uásálâšvuođâ já uásálistem kulttuurân. 

Ijâttes ijjâ lii algâaalmugij muusikfestivaal, mii uárnejuvvoo Anarist sämikulttuurkuávdáá Sajosist 16-18.8.2013. Tot oovdânpuáhtá sämimuusik lasseen meid eres algâaalmugij muusik já kulttuur. Kyevtipiäivásâš tábáhtus čuággán párnái- ja nuorâipeeivist pargopájáiguin já párnáikonsertijguin, muusikseminaarist, jieškote-uvlágán konsertijn sehe sämimuusikân vuáijum klubi-ehidijn. Ive 2013 Ijâttes iijâ fáddá lii ”Suhâpuolvah”, mon vuáđujuurdân lii pyehtiđ jieškote-uv suhâpuolvâi ovdâsteijee sämimuusik taidârijd oohtân sehe toimâđ eres ahasij sämmilij kulttuurlâš kuáhtámsaijeen. Tábáhtus lii áinoo sämimuusikfestivaal ubâ Suomâst já ohtâ puoh merhâšittee Tave-Laapi kesitábáhtusâin.

Sämitige lasseen tábáhtus orniistâlmáid uásálisteh el. Anára Sámisearvi rs, Sämimuseo Siida, Säämi máttááttâskuávdáš, Aanaar kieldâ, YLE Sápmi já Giellagas-instituut.

Lasetiäđuh Ijâttes ijjâ-tábáhtusâst:

Anu Magga anu.magga(at)samediggi.fi p. 050 567 2204

Anna Näkkäläjärvi-Länsman anna.nakkalajarvi-lansman(at)minedu.fi p. 0295 330 856

www.ijahisidja.fi