Jaapaanlâš kuástideijee Genziro Ito halijdij almostittiđ kirje jaapaanlâš párnáid, kiäh monâttii kyehti ive tassaaš eennâmtuárgástâsâst já ton tovâttem tulvepáárust sii omâháid. Sun uusâi heivejeijee maainâs, mii puávtâččij lohđuttiđ párnáid sii kuáhtám sooroost.

Suomâst kavnui Kerttu Vuolab ive 1979 čäällim já kuvvim kirje Kulmâ skipárâš (Kolme kaverusta), mii maainâst čällee pärnivuođâst. Kirje kieđâvuš meid soro, mon párnááh kuáhtádeh, ko ohtâ uábbi jáámá: "Verva já Kiärgáámus nuuvt čiärruv, sunnust lii väivi, tondet ko pyeremus skippáár Varva aalman lii moonnâm." Kuittâg uábbi ij lah mietimái meddâl. Ko "juusuh" – fiskis kiiđâ rääsih – luávdih kiedi, ohtâ rääsi álgá kivkked sárnuđ: "Jieh-uvks tuubdâ muu? Lijjim ohtii tuu uábbi."

Tilálâšvuođâst, mii uárnejuvoo Sajosist, lává fáárust kirje kuástideijee Genziro Ito já čällee Kerttu Vuolab. Kuástideijee já čällee mainâstává kirjeest já ton šoddâmmudoin já västidává mielâstis kirje kyeskee koččâmâššáid. Tilálâšvuođâst lii kähvifalâdem.

Sämitigge lii almostittâm kirje ive 2009 anarâš-, nuorttâlâš- já tavesämikielân kulmâkielâlâš oppâmateriaalin noomáin ´Golbma skihpáračča/ Kulma skipárâš/ Kolmm na´zvaanaž.

Lasetiäđuh: hannu.kangasniemi(at)samediggi.fi, 050-3641 385. Tiervâ puáttim!