Suomâ sämitigge almoot uuccâmnáál ohtsâštave-eennâmlâš sämikielâ áámmát-/reesuurskuávdáá Säämi kielâkäldee (Sámi Giellagáldu) meriáigásii tavesämikielâ kielâpargee tooimâ. Pargo álgá tállân já pištá 31.5.2014 räi. Kielâpargee pargoid kuleh kielâtipšom, kielâovdedem, terminologiapargo, normâdem, sehe tieđettem- já ravvimpargo. Kielâpargei puáhtá meridiđ eres-uv tooimâid, moh kuleh ohtsâštave-eennâmlâš sämikielâ áámmát-/reesuurskuávdáá vuáđudemprojektân.

Asâttâsvuáđustâslâš tohálâšvuođâvátámâššân lii pargo vaattâm škovlim já lasseen váttoo sämikielâ táiđu. Kielâpargee lii palvâluskoskâvuođâst Suomâ sämitiigán já pälkki miärášuvá Suomâ sämitige pálkkááttemvuáháduv vátávâšvuodâtaasij V/II – IV/IV mield (vuáđupälkki 2079,95-2425,08 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh.

Toimâsaje lii sämitige monnii toimâsaajeest tâi sopâmuš mield eres saajeest. Ucâmušâid lahtosijdiskuin kalga toimâttiđ Suomâ sämitige čäällimkoodán 17.5.2013 tme 16.00 räi čujottâssáin: Sajos, 99870 Aanaar.

Lasetiäđuid pargoost addeleh proojeekthovdâ Marko Marjomaa 050 438 2484 já kielâtorvočällee Siiri Jomppanen 050 493 9018.