Eenikielâ kuálmád luoka oppâkirje Gollegiellan 3 lii ráhtám Kaaren Kitti. Rähtee lii uđâsmittâm kirje iänááš teevstâi uásild. Kirje vuáđuduvá sämmilâš mainâstemärbivuáhán já sämikielâlâš kirjálâšvuotân.

Oskolduv oppâkirje Násti 5 já toos kullee siämmáánommâsâš pargokirje láá jurgâlusah Kuástádâsfinnodâh Otava almostittem Tähti -nommâsâš oppâkirjeest já pargokirjeest. Sämikielâlijd jurgâlusâid lii ráhtám Anu Katekeetta. Rááiđust láá ovdil almostittum kuuđâd luoka oppâkirje já pargokirje.

Ella Sare anarâškielâlâš Anarâš pivtâstem -kirjeest almostittui nubbe teddilâs. Kirje siskeeld uápistem anarâš pivtâstem vaalmâštmân. Vuossâmuu teddilâs, mii almostui ive 2012, vuobdui rotoi loopân.

Tavesämikielâlâš aabis Min meahci máidnasat čällee lii Inga Guttorm/ Oahptii Iŋgá já kovvejeijee Salli Parikka. Rááidun kullojeh aabis lasseen sierâ pargokirjeh čohčâ- já kiđđâluuhâmpaajij várás.

Toivo West čäällim 5-6 luokai eenikielâ oppâkirjeest almostui tääl nubbe teddilâs. Kiirján kullojeh meid ovdil almostum pargokirjeh 5- já 6 -luokkáid.

Puoh kirjeh láá finnimnáál Säämi kulttuurkuávdáš Sajosist sämitige škovlim- já oppâmateriaaltoimâttuvvâst já Säämi tyeje käävpist. Kiirjijd puáhtá tiiláđ šleđgâpostáin info(at)samediggi.fi. Lasetiäđuid täst