Sämitigge almoot uuccâmnáál HALDÂTTÂHHOOVDÂ meriäigásii virge 1.2.2014 – 31.1.2015 koskâsii ááigán, máhđulávt kuhheeb-uv ááigán. Haldâttâhhoovdâ váldupargon lii jođettiđ sämitige stiivrâ vuálásâžžân sämitige haldâttuv, ekonomia já pargojuávhu, tooimânpieijâđ sämitige miärádâsâid sehe suunnâttâllâđ já ovdediđ tige tooimâ.

Tohálâšvuođâvátámâššân lii hiäivulâš aaleeb ollâškovlâtuđhos sehe uápásmem sämiaašijd já haldâttâhpargoid. Pargo miänástuvvee tipšom váátá šiev jođettemtááiđu, hárjánem pargojuávkkuhaldâttuvvâst, naavcâ vättee já ovdâsvástádâslâš porgâmân já šiev sämi- já suomâkielâ tááiđu. Ruotâ-/tárukielâ já eŋgâlâskielâ táiđu kiäččoo hiättun. Pälkki miärášuvá sämitige pálkkááttemvuáháduv vátávâšvuođâtääsi II mield (vuáđupälkki 3233,46 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Virge toimâsaje lii säämi kulttuurkuávdáá Sajosist.

Ucâmušâid lahtosijdiskuin kalga toimâttiđ sämitige čäällimkoodán 13.12.2013 tme 16.00 räi čujottâssáin Sajos, 99870 Aanaar teikâ šleđgâpostáin čujottâsân Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lasetiäđuid meriáigásâšvuođâst addel saavâjođetteijee Klemetti Näkkäläjärvi, puh. +358(0)50 5242109. Sämitigge lii Suomâ sämmilij alemus miärádâsrähtimorgaan. Sämitigge fáálá áinoošlajâsii pargopirrâs já máhđulâšvuođâ ovdediđ sämmilij sajattuv aalmuglávt já aalmugijkoskâsávt. Sämitige tooimân puáhtá uápásmuđ päikkisiijđoinis www.samediggi.fi

Anarist 14.11.2013 Sämitigge