|
Tiäđáttâs má. haldâttâhhoovdâ valjiimist |
|
|
|
Sämitige haldâttâhhovdân ááigán 1.2.2014-31.1.2015 lii väljejum Pia Ruotsala, kote lâi virge áinoo occee. Pia Ruotsala lii sämitige sosiaal- já tiervâsvuođâčällee. Sun lii toimâm má. haldâttâhhovdân 18.10.2013 rääjist.
Pargo lâi uuccâmnáál 13.11.-13.12.2013 koskâsii ääigi. Sämitige pargo-oornig § 7 mield saavâjođetteijee väljee meriáigásii haldâttâhhoovdâ tom maŋa ko lii kuullâm värisaavâjođetteijeid. Saavâjođetteijeeh iä toollâm tárbulâžžân virge kulluuttem uđđâsist áávus.
” Lii vaidâlittee, ete viirgán lâi tuše ohtâ occee. Meriáigásâšvuotâ lii kuittâg uánihis já pargo vättee, mii máhđulávt raijij occei mere” Näkkäläjärvi mainâstij.
Sämitige čuákkim tuhhiittij čuákkimistis 18.12.2013 pargoviehâpoolitlii ohjelm sehe täsiárvu- já oovtviärdásâšvuođâvuáváámijd, moi tooimânpieijâm lii álgám. Siämmáá čuákkim tuhhiittem budjet ihán 2014 váátá sämitige ekonomiahaldâttuv ovdedem västidiđ uđđâ budjetistemvuáháduv. Meid čuávvoo sämitige čuákkim 19.2.2014 valmâštâllâm kalga algâttiđ haldâttâhhoovdâ joođeettijn.
”Virge kullutmân uđđâsist áávus ij lamaš tárbu návt uánihis meriáigásâšvuođâst, ko pargo lâi uuccâm virge iävtuid tevdee occee. Sämitige pargoviehâ- já ekonomiahaldâttuv ovdedem almosčuákkim miärádâsâi mield já algâive hástuseh väättih, ete mist lii sämitige pargoid, haldâttuv já virge tohálâšvuođâvátámâšâid tevdee haldâttâhhovdâ tooimânpieijâmin sämitige miärádâsâid já oovdedmin sämitige tooimâ. Ruotsala lii hoittám miänástuvveht haldâttâhhoovdâ meriáigásâšvuođâ”, Näkkäläjärvi mainâstij.
|
|
Viimeksi päivitetty ( 10.01.2014 )
|