Uđđā oppāmateriaaleh anarā- jį tavesämikielālā mįttįįttāsān |
![]() |
![]() |
Anarâš- já tavesämikielâ vuáđumáttááttâs várás láá
almostum uđđâ oppâmateriaaleh. Anarâškielâlâš nube luoka matematiik kiđđâuási Lohosierâ
2, kiđđâ lii jotkâ ovdil almostittum kuulmâ kiirján. Tavesämikielâlâš
máttááttâsân almostuvvii vittâ uđđâ miäldusluhâmuš já ohtâ uđđâsisteddilâs Bluppe-rááiđust.
Lohosierâ 2, kiđđâ lii jurgâlum WSOY Matikka-rááiđust, mii almostittoo ubbân anarâškielân. Tavesämikielâlâš Lohkoleaika –nommâsâš jurgâlus rááiđust lii jo škoovlâi kiävtust. Lohosierâ 2 –kirje lii jurgâlâm Iiris Mäenpää. Lasetiäđuh täst.
Bluppe-rááiđust almostittum uđđâ tavesämikielâliih kirjeh Bluppe mállásat, Bluppe ja albbas, Bluppe ja ealga, Bluppe ja guovačivggat já Bluppe ja goddesáhpánat heivejeh miäldusluhâmuân sehe sämikielâlii ete eenikielâ já vieres kielâ máttááttâsân. Tai lasseen almostui uđđâsisteddilâs ovdil loopân vuobdum Bluppe ja miessi -kirjeest. Uđđâ kirjeh lii ruotâkielâst jurgâlâm Hannu Kangasniemi. Kielâ tärhistem lii toohâm Jovnna Ánde Vest. Bluppe –kirjeh lii algâalgâlávt čáállám Inga Borg. Lasetiäđuh täst.
Sämitigge lii almostittâm ohtsis käävci uđđâ materiaalid ive 2014 vuossâmuu ohoi ääigi. Čuávuvâân teddilmist vyerdip uđđâsisteddilâs Girjegiisá Oy algâaalgâlávt ive 1993 almostittem Pekka Sammallahti Säämi-suomâ-säämi tavesämikielâ sänikirjeest (Sámi-suoma-sámi sátnegirji). Sämitige almostittem oppâmateriaalijd puáhtá uástiđ Sámi duodji-käävpist Sajosist Anarist, seervi nettikäävpist teikâ sämitige škovlim- já oppâmateriaaltoimâttuvvâst ritva.tammela(at)samediggi.fi. |
|
Viimeksi päivitetty ( 12.02.2014 ) |