| SaKaste- proojeekt puátuseh láá tääl kiävtust |
|
|
|
Ive 2013 nuuhâm SaKaste- proojeekt puátuseh láá tääl puohâi kiävtust neetist. Proojeekt ovdedempargo puátusin ráhtojii raavâkirjeh säämi puárásij- já arâšoddâdempaargon.
SaKaste- Sämmilij sosiaal- já tiervâsvuođâpalvâlusâi ovdedemrááhtus-proojeekt olášuttui iivijn 2011 -2013. Proojeekt lâi PaKaste 2 – Tavekuávlu Kaste- uásiproojeekt.
SaKaste- proojeekt ääigi pyeredii sämikielâlij já kulttuurân vuáđuduvvee palvâlusâi kvaliteet, vaikuttâs já finnim. Lasseen viggii kezidiđ kuávlulijd iäruid läčimáin sämikielâlijd já –kulttuurân vuáđuduvvee šiev pargovuovijd já toimâmaalijd. Ovdedempargoproosees ääigi sämmilij pargei jieijâs áámmátidentiteet nanodui já koskânâs äššitobdeeviärmádâh vijđánij já šoodâi čavosin.
Ovdedempargo porgui prooseesluándulávt já sämikulttuur vuolgâsoojijn.Säämi arâšoddâdmist já puárásijpargoost pargee sämikielâlâš pargoviehâ toimâi juávkkupargo ääigi ovdedeijeeäššitobden.
|