Säminuorâi taaiđâtábáhtus Suáđigilist aldan |
![]() |
![]() |
Säminuorâi taaiđâtábáhtus aldan. Tábáhtus uárnejuvvoo tääl vuossâmuu keerdi Suáđigil markkânist kieldâ uđđâ lihâdemhaalâst. Almottâtmeh láá suulân 300 vittnubálov sämikuávlu škoovlâst. Suáđigil tábáhtusân vyerdip ovdebij iivij náál ohtsis 400 ulmuu.
Säminuorâi taaiđâtábáhtus aldan. Tábáhtus uárnejuvvoo tääl vuossâmuu keerdi Suáđigil markkânist kieldâ uđđâ lihâdemhaalâst. Almottâtmeh láá suulân 300 vittnubálov sämikuávlu škoovlâst. Suáđigil tábáhtusân vyerdip ovdebij iivij náál ohtsis 400 ulmuu.
Säminuorâi taaiđâtábáhtusah láá uárnejum 1970-lovo algârääjist já maaŋgah taan peeivi sämitaaiđâreh láá finnim vuossâmuid lávdástemferimijd taaiđâtábáhtusâst. Säminuorâi taaiđâtábáhtus lii áinoo sämikielâlâš nuorâitábáhtus, mii uárnejuvvoo ihásávt, Ijahis Idja – muusikfestivaalân lohtâseijee párnái- já nuorâipeeivi lasseen.
Meid taan ive teemah lává kyehti: tanssâ já kove ellest. Tanssâteema lii väldikodálâš já Suáđigilist väljejuvvojeh säminuorâi ovdâsteijeeh Nuorâ Kulttuur – siättus ornim SOTTIISIMOVES –tábáhtusân Tamperen. Sämmilâš teeman lii kove ellest. Kovekištoost lává kyehti aherááiđu: nuorâbeh sárguh teikâ máálájeh, puárásub aherááiđu nuorah uásálisteh čuovâkovekiišton. Koveh, moh uásálisteh kiišton láá uánimnáálá Suáđigil taaiđâtábáhtusâst.
Tanssâkejâlmâsân láá almottâttâm 8 juávkkud, já koveh láá puáttám suulân 100. Taan ive taaiđâtábáhtusân puátih päärnih já nuorah meid uáivikaavpugkuávlust, kost City-sámit –seervi jesâneh láá almottâttâm fáárun.
Säminuorâi taaiđâtábáhtus váldu-uárnejeijee lii Sämitigge. Eres uárnejeijeeh láá Suáđigil kieldâ já Vuohču Sámiid Searvi (Vuáču sämiservi). Tábáhtus uárnejuvvoo vuáruiivij sämikuávlu kieldâin. Tábáhtus lii uárnejum ohtii sämikuávlu ulguubeln Ruávinjaargâst ive 2010. Ive 2015 vuárust lii Ucjuuhâ já väldikodálâš teeman muusik.
Tanssâkišto lasseen Suáđigilist láá meid tanssâ-, muusik- já elleekovečájáttâsah. Säminuorâi jieijâs radioshow Sohkaršohkka lii mieldi. Tábáhtus tekniikâst västid Tuupa Records, kote pyevtit sämmilâš muusik.
Tábáhtus álgá Suáđigil lihâdemhaalâst tuorâstuv 27.3. tme 11.00. TIERVÂPUÁTTIM ČUÁVVUĐ HITRUUS SÄMINUORÂI JUHLE!
Lasetiäđuh:
Magreta Sara
magreta.sara(at)samediggi.fi
puh. 010 839 3188, 050 363 7400
www.samediggi.fi
Taaiđâtábáhtus Facebookist
www.sottiisimoves.fi
|
|
Viimeksi päivitetty ( 18.03.2014 ) |