Iänuduv já Suáđigil nuorah vyelgih väldikodálâš tanssâtábáhtusân PDF Tulosta

Showtanssâjuávkku Eanodaga powerdancers já tááláš aalmugtaansâ tánssájeijee juávkku Jutatokka Suáđigilist ovdâsteh säminuorâid väldikodálâš Sottiisimoves –tábáhtusâst, mii uárnejuvvoo Tamperest kesimáánust. Säminuorâi ovdâsteijeeh väljejuvvojii säminuorâi taaiđâtábáhtusâst, mii uárnejui Suáđigilist. Tanssâkištoost palhâšuvvii meid Kietâruotâs nuorâi rijjâ taansâ juávkku já kärigâsnjaargâlâš hiphop –juávkku Gangstajuŋkkat. .


img_0698.jpgSäminuorâi taaiđâtábáhtus tuámmárin lijjii zumbafitness stivrejeijee Bigga Aikio (kooveest, keejâ video  ) Kuovdâkiäinust já tanssâmáttáátteijee Merja Leinonen Suáđigilist. Tuámmáreh kijttii Eanodaga powerdancers –juávhu (kove vyelni) pyereest valmâštâllum taansâst, mii finnij keččeid fáárun. Koreografia lâi maaŋgâpiälálâš já eromâšávt sämilippu, mii šoodâi tánssájeijei pihtâsijn taansâ loopâst, finnij kijttosijd. Taansâ lâi stivrim Rosa Pietikäinen já tast tánssájii Britt-Inger Ruotsala, Susan Löf, Anni-Sofia Löf, Kristen Anne Ruotsala, Petra Ikonen já Sofia Kallionlähde.
 
img_0771.jpg
 
 
 
 
 
 
 
 
 
 
 
 
 
 
 
Suáđigil Jutatokka –juávkku (kove vyelni) tánssái kištoost taansâ mon nommâ lâi Boazu (puásui). Tanssâ finnij kijttosijd šiev rytmist, njyebžilis liihâdmijn já maagisâš tobdost. Tanssâ kuvvij tuámmárij mielâst pyereest poccuu talle ko tot lii ohtuu já siijdâst. Lasekijttosijd sij finnejii persovnlâš vyevist kevttiđ vuodduid taansâst. Taansâ lâi stivrim Riina Lindberg já tast tánssájii Ada Heikkilä, Nella Nikula, Elina Pulkkinen, Lotta Tervo, Eliisa Vaarala já Laura Kaaretkoski.
 
img_0801.jpg
 
 
 
 
 
 
 
 
 
 
 
 
 
 
 
Kunneemainâšume já stiipeend finnim Giehtaruohttasa mánát (Kietâruotâs párnááh) –juávhu (kove vyelni) lâi stivrim Käresavvoon škoovlâ máttáátteijee Taina Syväjärvi. Taansâst lâi liähtu já tast oinui sämmilâš kulttuur. Lasseen juávhust lâi šiev ohtâvuotâ keččeid já lávdástem lâi makkuutteijee.
 
img_0828.jpg
 
 
 
 
 
 
 
 
 
 
 
 
 
 
 
Kunneemainâšume já stiipeend finnij meid kärigâsnjargâlij nuorâi Gangstajunkkát hiphop-juávkku (kove vyelni) tanssáin Trift Shop. Taansâ lâi stivrim Ville Köngäs, tot movtijdittij keččeid, tánssájeijein lâi šiev rytmi, sij tánssájii pyereest oohtân já koreografia lâi mudágávt hástulâš.
 
img_0830.jpg
Säminuorâi taaiđâtábáhtus uárnejui vuossâmuu keerdi Suáđigil markkânist. Tábáhtus kulá väldikodálâš Nuorâ Kulttuur  –tábáhtusân já ton váldu-uárnejeijen tuáimá Sämitigge. Suáđigil tábáhtusân uásálistii ohtsis paijeel 400 olmožid já kiišton uásálistii 12 tanssâjuávkkud.  
 
 
 
 
 
 
Ive 2015 säminuorâi taaiđâtábáhtus uárnejuvvoo Ucjuuvâst já ton väldikodálâš teeman lii muusik. Sämmilâš paldâlâsteemast tieđetteh maŋeláá. Suáđigil tábáhtusân lohtâseijee kovekišto palhâšumeh juáhhojeh škoovlâi kiđđâjuuhlijn.  

Koveh Mika Saijets.  
Viimeksi päivitetty ( 31.03.2014 )
 
‹‹Takaisin