Tábáhtusâst, mii uárnejuvvoo ohtnubálovváád keerdi, pajedeh oovdân uccâ sämiucceeblovoid ađai nuorttâlâšâid já anarâšâid sehe sii muusik- já tanssâärbivuovijd, tego nuorttâlâškatrilli, livđe já leu´dd.

Ijâttes ijjâ lii áinoo sämimuusikfestivaal ubâ Suomâst já tast lii kuuloold šoddâm ohtâ puoh merhâšittee Tave-Laapi kesitábáhtus. Moonnâm ive loveivvááš juuhlijd toollâm festivaalân sehe ton miäldustábáhtussáid uásálistij kyevti peeivi ääigi ulâttâsmeeri, ohtsis 2800 olmožid. Ive 2014 Ijâttes iijâ ohjelmân kuleh nuuvt ärbivuáválii sämimuusik taiđârij lávdástmeh, pajaneijee sämiartistij konserteh, párnái ohjelm, algâaalmugkuosij muusik sehe sämimuusikân vuáijoo klubiehideh. Ohtâ festivaal konsertijn uárnejuvvoo Saijoos auditoriost, mutâ mudoi tábáhtus olášuttoo olgon, tego táválávt. Festivaal ohjelm visásmittoo algâkeesist já tot almostittoo tievâslâžžân kesimáánu ääigi el. tábáhtus jieijâs nettisiijđoin čujottâsâst www.ijahisidja.fi

Ijâttes iijâ uárnejeh oovtâstpargoost Anára Sámisearvi ry, Sämitigge, Säämi máttááttâskuávdáš, YLE Sápmi, Aanaar kieldâ, Taiđuu ovdedemkuávdáá Laapi toimâsaje já Hooteel Kollehovi.

Lasetiäđuh: www.ijahisidja.fi

Anu Magga

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

p. 050 567 2204