Kietâtyejipáájást äššigâšah uážžuh valjiđ jieškote-uv kietâtyejimolsoiävtuin sii mielâstuttee já rähtiđ tyeje olssis mätkimušton nuuvt ete stivrejeijee iššeed. Kietâtuojij rähtim paaldâst kietâtyejistivrejeijee maainâst sämituojij historjást já ärbivuovijn sehe jieijâs kietâtyejivuovijn.

Kietâtyejipáájáh láá uási Saijoos kulttuurlii siskáldâspyevtittâs ovdedem. Kietâtyejipáájái tárguttâs lii lasettiđ sämituojij tubdâm já ton pehti levâttiđ tiäđu sämmilijn algâaalmugin. Kietâtyejipáájáid olášutteh oovtâstpargoost Sajosist leijee Duodji Shop -kavppijn.

Jieškote-uvlágáneh kietâtyejeh jieškote-uvlágán táárbun

Sämituojijn láá kuheh ärbivyevih já almolávt sämityejjin iberdeh anotiiŋgâid, tego pihtâsijd, pargopiergâsijd, tálutuálutävirijd, pivdoniävuid já čiiŋâid, moh láá kieđâiguin rahtum. Meid tááláá ääigi kietâtuojij ärbivyevih láá luánduamnâsijn, kietâtuojijd rähtih puáris ärbivyevi mield heiviitmáin uđđâ pargovuovvijd já uđđâ kiävtun kuávlui mield.

Sajosist äššigâs puáhtá rähtiđ keesi ääigi jieijâs äigitaavlu raamij siste tane- teikâ cimcâhkietleppriggee, njuškompäädi, leđđest rahtum seehâ teikâ laavhâ já puásuinähkiseehâ ađai šišneseehâ. Kietâtyejipáájáid olášutteh Saijoos čuovis válduaulast máávsu vuástá. Juávhuh kalgeh väridiđ jieijâs pargopájáääigi, vâi sijjân puáhtá táárbu mield orniđ lasestivrejeijeid.

Saijoos kietâtyejipáájáid olášutteh 1.7. - 15.8.2014 koskâsii ääigi argâpeeivij tme 11-17.   

Saijoos keesi ávusorroomääigih:

Sajos info:                   vu-vá tme 9-17

Duodji shop:                  vu-vá tme 10-17

Sämikirjerááju:              vu-ma tme 13-19, ko-tu tme 10-17, vá 10-16

Lasetiäđuh:

Johanna Alatorvinen, markkânistemhovdâ, Säämi kulttuurkuávdáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , puh 010 839 3109, www.sajos.fi

Aune Musta, toimâttâsjođetteijee, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , puh. 0400-637178, www.samiduodji.com