Sämitigge palhâšij 15 nuorâ kovetaaidâr já vittâ nuorâ čuovâkovvejeijee škoovlâi kiđđâjuuhlijn. Nuorah uásálistii säminuorâi taaiđâtábáhtus ohtâvuođâst njuhčâmáánust uárnejum kovekiišton, mon fáddán lâi ellee.

Säminuorâi taaiđâtábáhtusâst 27.3.2014 Suáđigilist teeman lâi taansâ lasseen maalâkove/sáárgus- já čuovâkovekišto, mon fáddán lâi ellee. Taaiđâkoveh pottii ohtsis 184 pittád já čuovâkuuvijd 50 pittád. Taaidâr Merja Aletta Ranttila, vs. sämitaiđuu leenâtaaidâr Tanja Sanila já taaidâr-taaiđâmáttáátteijee Korinna Korström-Magga väljejii 15 nuorâ kovetaaidâr já 5 čuovâkovvejeijee, kiäid sämitigge palhâšij stipendijn škoovlâi kiđđâjuuhlijn.

Palhâšum kovetaaidâreh lijjii Kalle Tarsa já Arttu Poikela Suáđigil Aleksanteri Kena škoovlâst, Berit Juliánná Hetta, Sara-Elina Valkeapää já Elen-Anne Juuso Käresavvoon škoovlâst, Jenni-Kaisa Miettunen Vuáču škoovlâst, Saku Harju já Riikka Oilio Peltovuoma škoovlâst, Aapo Valle Kärigâsnjaargâ škoovlâst, Marielle Näkkäläjärvi Heta škoovlâst, Jaakko Huru Tiärmáá škoovlâst, Diana Kangasniemi já Rufina Kangasniemi Aanaar škoovlâst sehe Launa Kuukasjärvi já Per-Jona Labba Kilbisjäävri škoovlâst. 

Palhâšum čuovâkovvejeijeeh lijjii Tuomas Vest (6. lk.), Sara Keränen, Eemeli Kokkonen já Harri-Aslak Jomppanen (8. lk.) Aanaar škoovlâst sehe Áile Keskitalo (6. lk) Vuáču škoovlâst. 

Sämitigge tuáivut ennuv luho palhâšume uážžoid já kijttá puoh uásálisteid!

Palhâšum koveh almostittojeh sämitige päikkisiijđoin www.samediggi.fi /toimâ/Nuorâi taaiđâtábáhtus,