Máttááttâs- já kulttuurministeriö mieđettij Sämitiigán staatâtorjuu sämmilii elleekove tuárjumân. Lii tárguttâs, ete sämmiliih elleekoveh láá mieldi ive 2015 Berliini elleekovejuuhlijn (Berlinale).

Pyevtittemtoorjâucâmušah pottii ohtsis 12, ohtsis 470 201 euro oovdâst. Pyevtittemtorjuu mieđeet-mist meridij sämitige kulttuurlävdikodde čuákkimistis 25.6.2014.

Pyevtittemtorjuu finnejii:

Pyevtittemfinnodâh Oktober Oy/ Katja Gauriloff, 69 125 €

Mannu mie´cc Kaisja/Kuun metsän Kaisa/Kaisa´s Enchanted Forest

Dokumentelleekove Kuun metsän Kaisa (Máánu meeci Kaisa) lii tivtâlâš tođhos nuorttâsämmilij pegâlmâs mainâsmuštâleijee Kaisa Gauriloff já sveitsilâš čällee Robert Crottet eellimpištee ustevvuođâst. Elleekooveest kiesâseh oohtân Kaisa muštâlem pegâlmâs mainâseh já nuorttâsämmilij kolgâmušpuudah talle ko nubbe maailmsuáti muutij maailm. Kaisa Gauriloff lii elleekove stivrejeijee madârákku.

Aslak Paltto, 15 000 €

Boazodoalli Čalmmiiguin/Poromiehen silmin

Dokumentelleekove tárguttâssân lii lehâstiđ puásuialmaa aargâ tooid, kiäin ij lah toos mihheen máhđulâšvuođâid. Táálááš piätumeeri puásuituálukuávlust lii toohâm vaigâdubbon já muttán puásui-almaa aargâ, ko piäđu koddem poccui meeri lii lasanâm uáli jo ennuv majemuu kyevti ive ääigi. Tain hiävuin iänáá uási tavveen toovât ketki. Ketki lii lamaš ollásávt rávhuiduttem ellee jo 30 ihheed. Do-kument kieđâvuš puásuialmaa uáinust puoh tom, mii luándust tábáhtuvá. Tile lii tääl nuuvt kriittâlâš, ete puásuialmaah väätih keeđhi olesrávhuiduttem lopâttem, vai viältáččii stuorrâ vahâgijd.

Jouni West, 9 375 €

Guolli

Uánihis animaatioelleekove uccâ kandii ferimijn, elimist já jämimist. Taat lii stivrejeijee pärnivuotmušto kyelesalâsist já maht sun irâttij koddeđ kyele siämmáánáál ko lâi uáinám ete eejis koddá. Viiljâžeh lává Tiänu riddoost. Uccâviiljâš uáiná ko stuorrâviljâ kiäsá suu eellim vuossâmuu kyele riidon. Suái lává kuohtuuh uáli moovtah...

Lasetiäđuh:

vs. kulttuurčällee Marjukka Helander

marjukka.helander(at)samediggi.fi, tel. 010 839 3103