Ijâttes Ijjâ -festivaal álgá vástuppeeivi 15.8.2014 jo ärbivyehhin šoddâm paarnij- já nuorâipeivijn, kuus láá almottâttâm paijeel 240 pärnnid já nuorâd pirrâ sämieennâm. Peivi álgá škovlâlijd uáivildum muusikpargopájáiguin, moi stivrejeijen tuáimih taan ive algâaalmugkuosij lasseen el. kárášjuuvâst puáttee jyeigee Johan Anders Bær, anarâš ráppájeijee Amoc, SomBy-juávhust uápis artisteh Juho Kiviniemi já Oula Guttorm sehe Aila-duost uápis Jessika Lampi já Heli Aikio. Säämi párnáikulttuurkuávdáš Mánnu pelestis uárnee vástuppeeivi säminuoráid uáivildum "Stááluh mii kulttuurist"-pargopáájá Sämimuseo Siijdâst. Paarnij já nuorâi muusikpargopáájáid almottâttâm lii nuuhâm jo kidduv, mutâ Mánnu uárnim páájáid kiergân vala almottâttâđ. Lasetiäđuid Mánnu páájáin finnee párnáikulttuurkuávdáá toimâjođetteijest  Petra-Biret Magga-Varsist p. 040 7325 503. 

Muusikpargopáájái maŋa paarnij- já nuorâipeivi juátkoo Ijâttes Iijâ Tásnáážiih -konsertijn, mii uárnejuvvoo Saijoos oovdâst. Pärnijuávhui lávdástemij lasseen konsertist kuullâp algâaalugkuosij muusik sehe pargopáájái puátusijd. Ijâttes Iijâ Tásnáážiih -konsert uárnejuvvoo Saijoos oovdân rahtum festivaalkuávlust tme: 13.00-15.15 já tot lii puohháid áávus nuuvtá konsert. Uárnejeijeeh tuáivuh sajan stuorrâ kuldâleijeejuávhu.

Lasetiäđuh:                        

Anu Magga                                  Unna-Maari Pulska

Pyevtitteijee                                Išepyevtitteijee

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.                Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

puh. 050 567 2204                     puh. 050 439 8557