Sämitige nuorâirääđi juátká kyehti meriáigásii ofelâš uuccâmääigi 14.11.2014 räi. Pargo álgá 1.12.2014 já pištá 28.2.2015 räi. Ofelašâi pargon lii vuáváđ já valmâštiđ sämmilijn muštâleijee Ofelaš-materiaalijd škoovlâin eellim várás sehe kolliđ Laapi kuávlu škovláid já muštâliđ sämmilijn valmâštum materiaalij mield.

Pargo miänástuvvee hoittám išedeh sämikielâ táiđu, sämikulttuur tubdâm já -škovlim, šiev vuáruvaikuttâs- já oovdânpyehtimtááiđuh, šiev atk-tááiđuh sehe nahčâ porgâđ jiešalgâlávt já oovtâst nubbijn ofelâššáin. Pälkki miärášuvá sämitige pálkkááttemvuáháduv vátávâšvuođâtääsi VII/V mield, vuáđupälkki 1398,87 eurod/mp. Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh.

Toimâpäikki lii säämi kulttuurkuávdáš Sajosist, Anarist. Ucâmušâid oppâ- já pargotuođâštusâiguin kalga toimâttiđ sämitige čäällimkoodán 14.11.2014 tme 16.00 räi čujottâssáin Sajos, 99870 Aanaar. Lasetiäđuid pargoost addel nuorâičällee Kaisa Tapiola-Länsman, puh. 010 839 3134. Sämitiigán puáhtá uápásmuđ nettičujottâsâst www.samediggi.fi já nuorâirááđán www.samediggi.fi/nuorat.