Tyejisuámsurtori já tyejimarkkâneh Sajosist 12.–13. juovlâmáánu 2014 |
![]() |
![]() |
Sámi Duodji ry uárnee oovtâstpargoost sämitige nuorâiraddijn já Säämi kulttuurkuávdáš Sajosáin tyejisuámsurtori já –markkânijd Anarist Sajosist 12.12–13.12.2014.
Tyejisuámsurtori uárnejuvvoo vástuppeeivi 12.12. tme 12–17
Puáđi suámsurtorin toohâđ kávnusijd! Nuubán taarbâšmettum mááccuh, jyevdilâs soljo, peljiheervah teikâ mii ihenis eres tyeji puáhtá leđe aarni tunjin. Lasseen suámsurtorist puávtáh kavnâđ tyejiamnâsijd, ovdâmerkkân kággáid, laaigijd, siilhijd, šiišnijd jna. Suámsurtorist lii meid ohtsâš pevdi, kuus puáhtá pyehtiđ vyebdimnáál ovtâskâs tävirijd, jis jieččân piävdán ij kavnuu tuárvi vyebdimnáál. Tyejisuámsurtori ääigi Sajosist lávloo vuáččulâš Tiina Aikio čuojâldittein Tony Brandtbergáin tme 14.00.
Mušte, nube tušes tiŋgâ lii nube aarni já retro lii tääl onnáá vyehi!
Psst, Saijoos niäljád Klubi-eehid álgá tme 20.00.
Tyejimarkkâneh lávurduv 13.12. tme 10–17
Lávurduv lii vuárust markkânpeivi já vyebdeeh čokkáneh Saijoos aulan pirrâ sämieennâm. Markkâneh láá šiev saje uápásmuđ sämituojij majemuid uđđâ pieggáid já uástiđ juovlâskeeŋgâid.
Markkânij ääigi tme 13.00 čuojât orjâlâškielâlâš folk-rock juávkku Ravggon.
Meid párnááh láá tiervâpuáttim markkânáid! Säämi párnáikulttuurkuávdáš Mánnu uárnee párnáid tyeji- já puđâldempáájá tme 10.00–12.00. Páájáást valmâšteh širottâsâid ärbivuáválijn materiaalijn.
Markkânij ääigi Raavâdviäsu Lyemeest lii faallâmnáál markkânpurâdem ucceeb já stuárráb niälgán.
Vala kiergân almottâttâđ vyebden suámsurtorin teikâ markkânáid!
Lasetiäđuh já almottâtmeh: šleđgâpoostâ peht Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. teikâ puhelimáin +358 50 382 5179.
|
|
Viimeksi päivitetty ( 11.11.2014 ) |