| Sämitige čuákkim čuávvumnáál interneetist |
|
|
|
Sämitige ive majemuš čuákkim tuálloo 22.12.2014 Anarist, Sajosist tijme 9.00. Njuolgâ internetvuolgâttâs čuákkimist puáhtá čuávvuđ čujottâsâst http://sogku.fi/live.
Vuolgâttâsâst kuullâp čuákkimsalist sarnum kielâ. Sämitige čuákkimist puáhtá kevttiđ anarâš-, nuorttâlâš- já orjâlâškielâ sehe suomâkielâ. Internetvuolgâttâsân ij taan tovváá finnii tulkkum jieškote-uv kielâi kooskân.
Čuákkim aalgâst sämitige saavâjođetteijeeh taheh kejâstuv jieijâs já stiivrâ tooimân ovdebáá almosčuákkim maŋa tábáhtum aašijn. Čuákkim äššilistoost lii sämitige toimâvuávám-budjet tuhhiittem ihán 2015. Sämitige stivrâ lii tuhhiittâm toimâvuávám-budjet oovdânpyehtimnáál almosčuákkimân čuákkimistis 12.12.2014. Äššilistoost láá meid tieđettemääših sehe värijeessân nomâttem sämitige nuorâirááđán.
Čuákkim puáhtá čuávvuđ meid čuákkimsalist.
|
|
| Viimeksi päivitetty ( 22.12.2014 ) |