Kove: Helifoto Oy

Mast Lemmee lii finnim noomâs?

Lemmee vyemeest rääsih šaddeh pyerebeht ko aldakuávluin almolávt, ja ulmui mielâst vyemi lii lamaš lieggâsub kuávlu. Lemmee lii finnim suomâkielâlii noomâs (Lemmenjoki) sämikielâst, mii meerhâs suomâkielân lieggâs. Saje nommâ lii punjâgâm ääigi mield já suomâkielân tot lii taan ääigi Lemmenjoki.

Láá-uv Lemmest vala kollekuáivooh?

Lemmee kuávlust láá vala-uv suullân 30 kieđâikuáivoi väldidmid sehe kolletoidemloppeed já 25 kuáivuttâhrigged. Keessiv Lemmest oroh suullân čyeti olmožid kuáivumin kole.

Kuás Lemmee vuárukarbáh joteh já maht toid piäsá?

Vuárukárbáh joteh keessiv Njurgoiluovtâ já Kollehaammân kooskâst. Jotoluv algâ- já loppâpeeivih muttojeh iválávt ucánjáhháá, ađai taid kannat selvâttiđ muuneeld. Tiiláámáin kárbáh joteh paijeelmiärálijd vuáruid. Páiháliih irâtteijeeh västideh vuárukärbisjotoluvvâst, já kárbái vyelgimsaje lii Njurgoiluovtâ siijdâst kähviviistij riddoost.

Koskâkeesi vuárukäärbis jotá kuohtii peeivist, mutâ algâ- ja loppâkeesi tuše ohtii peeivist. Mätki pištá oovtâ kuávlun suullân 1,5 tijme. Kárbáh orosteh meid Rovâdâs peht.

Iiđeedkäärbis vuálgá tme 10.00 já máccá tme 13.00.
Eehidkäärbis vuálgá tme 17.00 já máccá tme 20.00.

Puáhtá-uv Lemmee aalmuglâšmeeccist vyeijiđ pyeráin?

Aalmuglâšmeeccist lii loválâš vyeijiđ pyeráin merkkejum kiäinui mield. Keevâtlávt pyeráin vyeijeid tiäivá harvii, tondiet ko pálgáh iä heivii pyeráin vyejimân masa ollágin.

Puáhtá-uv pennuu väldiđ fáárun vandârdiđ?

Pennuu puáhtá väldiđ fáárun vandârdiđ, mut tom ferttee toollâđ kiddâ.

Puáhtá-uv kollekuáivum keččâliđ kost peri?

Kollekuáivum ij pyevti keččâliđ kost peri. Kollekuáivum várás ferttee leđe väldidem teikkâ kuáivuttâhriggee. Páihálijn irâtteijein puáhtá tiiláđ kollekuáivummohe väldidmij kuuvl. Lemmest láá meid kuáivooh, kiäi väldidmijn kii peri puáhtá keččâliđ kolletoidem. Täin soojijn puáhtá koijâdâllâđ om.Paje-Säämi luándukuávdáš Siijdâ.