Piilola pálgá vátávâšvuotâ

Piilola päälgis lii vátávâš vandârdemkiäinu miäccáásvuođâs keežild. Vandârdeijest kalga leđe tooleeb vandârdemhárjánem já tast kalgeh leđe šiev mecci- já sundedemtááiđuh. Kiäinust láá uccáá jotteem helppejeijee ráhtuseh tegu pardalâsah já šaldeh, já juuvâid ferttee-uv iänáážin käälliđ rasta tâi lávkkuđ keeđgij mield. Kiäinu lii merkkejum Suomâbeln muorâstuálpuiguin já Taažâbeln maalâtiälhuiguin, moh láá muorâin tâi keeđgijn, sehe muorâoovsijn hiäŋgájeijee širottâsâiguin.

Meeccist láá viehâ uccáá alodâhmuttuustâlmeh, mut kiäđgáás eennâmvuáđu hittood jotteem. Piilola pálgá raavâlâš vandârdemäigi lii kuulmâst neelji piäiván. Vissásumosávt kiäinu puáhtá jotteeđ kesimáánu pelimudo já čohčâmáánu loopâ koskâsâš ääigi ađai kiđđâtuulvij maŋa ovdláhháá ääinig myettim räi. Meeci tiileest lii pyeri koijâdiđ muuneeld Avveel palvâlemčuággást tâi Luándukuávdáš Siijdâst. Kiäinu ij heivii lihâdemiästuláid.