Oahppoofelaš-haahâ
Haavâ ulmen lâi selvâttiđ ubâlávt, magarijn áámmátsuorgijn láá tääl já puátteeääigist pargosajeh sämmilij päikkikuávlust.
Škovlii jieččâd suárgán, mast láá puátteevuođâst pargoh sämikuávlust
Sämitige nuorâirääđi olášutij algâivveest 2016 Laapi kuávluhaldâttâhvirgetoimâttuv torjuin Oahppoofelaš -haavâ, mon ulmen lâi karttiđ main suorgijn sämmilij päikkikuávlust láá pargosajeh puátteeääigist. Taan lasseen selvâttui, magarijn áámmátsuorgijn sämikielâlii pargovyeimist lii puátteevuođâst pargo já magarijd pargoid puáhtá porgâđ ubânâssân káidusohtâvuođâiguin. Taan vuáđuld säminuorah pastaččii älkkeebeht uuccâđ suorgijd, main láá pargosajeh sämmilij päikkikuávlust. Sämmilij päikkikuávlun kuleh Ucjuuhâ, Aanaar, Iänudâh já Suáđigil kieldâst Laapi palgâs kuávlu.
Haahân pálkkááttui olesáigásâš proojeektpargee muádi mánuppajan.
Selvâttâs porgui koijâdâllâmluámáttuvâin, mii lâi šleđgâhäämist já sahhiittâlmijguin já selvâttâs vuáđuld rahtui nuoráid uáivildum Oahppoofelaš-kirjááš. Kirjááš addel nuoráid tiäđu, moin sij pyehtih ávhástâllâđ já luvâškyettiđ áámmátsuorgijd, main láá oskomist pargoh tääl já puátteevuođâst sämikuávlust.
Oahppoofelaš-kiirjáš lii säminuoráid uáivildum uáppuraavâkirje, mii juohhui iärásij lasseen vuáđuškoovlâst já nube ceehi škoovlâin valmâštuvvee nuoráid. Haavâst pyevtittum materiaal kaavnah tääbbin.
Uáppáásm meid
Ofelaš-projeekt
Nuorâirääđist láá lamaš kyehti jieškote-uvlágán Ofelaš-proojeekt iivij 2014-2015. Säminuorah juttii Laapi škoovlâin muštâlmin jieijâs kulttuurist já Laapi kuávluhaldâttâhvirgetoimâttuv torjuin juttii Ofelaš-jurduin nuoráid uáivildum tábáhtusâin.
DigiÁrran-haahâ
DigiÁrran-haavâ ulmen lii kavnâđ digitaallii nuorâitooimâ maali sämmilij päikkikuávlun. Haavâst ovdedeh sämmilii digitaallii nuorâipargo já nuorâi tiätu- ja ravvimpargo.
De!-haahâ
De!-haavâst ovdedeh nuorâitooimâ sämikieláid
Dihtosis-haahâ
Dihtosis-haahâ lii sämitige nuorâirääđi já Nuorâi Akatemia ohtâsâšhaahâ, mon ulmen lii lasettiđ tiäđu sämmilijn Suomâ škoovlâin. Haavâ ruttâd máttááttâs- já kulttuurministeriö.
Ärbitiätu nuoráid -haahâ
Nuorâirääđist lâi tooimâst Taiđuu ovdedemkuávdáá torjuin Ärbitiätu nuoráid -haahâ ive 2015.