Mii olgomuseost láá valjeest ääših tutkâmnáál. Kuávlust láá masa vittlov viässud já rakânâssâd, moh láá juohhum kulttuurkuávlu tâi kevttimulme miäldásijd juávhoid suullân 800 meetter kukkosâš suoppâinhámásâš pálgá piällás. Čuosâttuvah muštâleh Suomâ kuulmâ sämikulttuur kulttuurärbivyevist, rähtimärbivyevist já iäláttâsâin.
Olgomuseopálgá puáhtá keessiv já čohčuv jotteeđ meiddei pyerástovlijn já párnáiráttáiguin. Kuávlu lii toovlášmuštolavváin (muinaismuistolaki) rávhuidittum. Tobbeen uážžu jotteeđ tuše merkkejum, lovdum pálgá mield.
Luuvâ lase olgomuseo já ton čáitálduvâi pirrâ. (linkit ulkomuseoon ja opasstuksiin)
Ávusorroomääigih
Olgomuseo lii áávus 1.6. – 30.9. jyehi peeivi museo ávusorroomaaigij mield. Eres aaigijn kuávlun puáhtá uápásmiđ šiev šoŋŋân, mutâ viäsuh láá torvolâšvuođâ tiet kiddâ.
Jis kolliih Olgomuseo tälviv, kannat huámášiđ šoŋŋâtile meiddei kárvudâtmist. Oonâid tälvikárvudâtmân kaavnah VisitFinland nettisiijđoin.
Moobiiluápistem
Mij lep vuávám moobiiluápistem tievâsmittiđ Olgomuseo vuáđu-uápistem. Tast láá tiäđuh olgomuseo historjást já ton jieškote-uv čuosâttuvâin. Moobiiluápistem arkkâdâhkoveh, videoh já jienâpäädih virkosmiteh 12 olgomuseo čuosâttuv. Mij lep merkkim kolbâiguin čuosâttuvâid, moin kávnojeh QR-koodih ton čuosâttuv materialân.
Uápistem finnee tavesämikielân, suomâkielân já eŋgâlâškielân. Uápásm olgomuseo moobiiluápistmân. Väärrid čáitáldâhuápistem.