Siida čáitálduvah

Mii vuáđučáitálduvâst sämikulttuur já tave luándu punjâseh ohtân čáitáldâholesvuottân, mii fáálá visuaallâš feerim lasseen valjeest tiäđu. Säämimuseo já Luándukuávdáš lává pyevtittâm vuáđučáitálduv ohtsâšpargoost.

Mii olgomuseost láá valjeest ääših tutkâmnáál. Kuávlust láá masa vittlov viässud já rakânâssâd, moh láá juohhum kulttuurkuávlu tâi kevttimulme miäldásijd juávhoid suullân 800 meetter kukkosâš suoppâinhámásâš pálgá piällás. Čuosâttuvah muštâleh Suomâ kuulmâ sämikulttuur kulttuurärbivyevist, rähtimärbivyevist já iäláttâsâin.

Säämimuseost lii keessiv kollimčuosâttâh meiddei nuorttâlâš kulttuur kuávdáást Čevetjäävrist, kost lii Nuorttâlij ärbivyehitáálu. Ärbivyehitáálust já ton šiljoost leijee olgomuseost mij muštâlep nuorttâlij historjást já čaitâččep aassâm- já rähtimvuovijd kyevti sierâ äigipaajeest. Nuorttâlij ärbivyehitáálust lii meiddei uccâ museokävppi.

23.6.2020 - 30.4.2021

Säämimuseo Siida mulsâšuvvee čuovâkovečáitáldâh “Albma olbmot” piäjá uáinimnáál Pekka Sammallahti čapisvielgis olmooškuuvijd tave ulmuin argâpirrâsistis čiččâm ihelove ääigist, ain 1960-lovo rääjist. Kuávdáást láá Tiänu pellâst ässeeh, mutâ koveh láá meid ei. Anarist, Iänuduvâst, Suáđigilist, Käresavonist, Ruotâ Vääččirist, Varjâvuonâst já  Altavuonâst. Čáitálduv nommâ spejâlist maaŋgâi algâaalmugij vyevi nabdeđ jieijâs ulmuid olmâ olmožin. 

Siijđoh muštâleh anarâšâi historjást já kulttuurist. Valjaas tiätupakkeet lii ohtâsâšpyevtittâs Anarâškielâ servijn. Siijđoh anarâškielân, suomâkielân já eŋgâlâškielân.

Siijđoh muštâleh nuorttâlij historjást já täpikulttuurist nuorttâlâškielân, suomâkielân já eŋgâlâškielân.

Eatnanšaddu-siijđost čáittojeh sämmilij kevttim luándušadoh, toi šoddâmpirrâseh já kevttimvyevih. Šaddotiätuvuáđun láá vyerkkejum suullân 50 luándušado tiäđuh.