Toimâpääihih já asâttuvah

Toimâpääihih láá Anarist, Kaamâsist já Iänuduvvâst.

Aanaar

Anarist lii škoovlâ haaldâtlâš kuávdáš, kost uárnejeh vuáđutođhos- já áámmáttođhosškovlim, sämikielâi já -kulttuur škovlim já mediaškovlim. Pargovisteh láá uáiviškoovlâst já kulttuurkuávdáš Saijoos viistijn.

Kaamâs

Kaamâs Tuáivunjaargâst lii luánduiäláttâsâi ovdedemohtâdâh, kost láá ei. njuovvâmlágádâs, piärgu- já kyelekieđâvuššâmvisteh já čeevđitussim. Meid puásuituálu já luándusyergi škovlim lii Kaamâsist.

Iänudâh

Iänuduv toimâpääihist láá visteh sämikulttuur škovliimân já pargopáájáid.

Asâttuvâin láá kulmâ pargee. Asâttâhpargeeh pargeh puoh máttááttâskuávdáá toimâpaaihijn, adai sii fättee pyeremustáá puhelimáin. Talle ko škoovlâst lii máttááttâs, te ohtâ pargee lii ain eehidvuárust, ohtâ parga argâpeivij já ohtâ lii kocceemvuárust puhelin keejist tme 22.00 - 8.00.

Asâttuvâin lii vahtim já vahtimpalvâlus NewFlow pargee jotá asâttuvâin ijjâääigi. Vahtimpalvâlus kocá máttááttâs ääigi vástuppeeivi tme 21.00 rääjist pasepeeivi tme 18.00 räi. Vahtimpalvâlus lii aanoost meid máttááttâsttes ääigi.

Vahtimpalvâlus puhelinnummeer 040 242 6695

Asâttuvâh

Máttááttâskuávdáá asâttuvah láá Anarist já Tuáivunjaargâst. Asâttâhsaje lii uáivildum vuosâsaajeest vyeliahasáid já toid, kiäin láá pááikán jo-uv kuhes mätki teikkâ hyenes jotolâhohtâvuođah. Asâttâhsaje puáhtá finniđ sosiaallij agâiguin. Asâttâhsaje kalga uuccâđ asâttâhsajeucâmuššáin.

Uuccâmluámáttâh (.pdf)

Vääldi ohtâvuođâ

Virpi Valle-Perätalo

asuntolaohjaaja / asâttâhstivrejeijee 0400 290 758

Matti Harjuniemi

asuntolahoitaja / asâttâhhoittájeijee 040 707 3791

Jarmo Wetterstrand

asuntolahoitaja / asâttâhhoittájeijee 040 707 3792

Aanaar asâttâh

Aanaar asâttâh lii suulân kuulmâ kilomeetter keččin škoovlâst Aanaar riddoost čujottâsâst Sarviniementie 180. Asâttuvâst láá oovtâ já kyevti ulmuu visteh, já masa puoh viistijn lii jieijâs hiivsig/riššo. Kievkkâneh já orroomvisteh láá ohtâsiih. Kievkkânist láá hellá/uvnâ, mikro já jieŋâ- já puolâšskappi. Asâttuvâst lii kiävtust sraŋgâttes viermi.

Tuáivunjaargâ asâttâh

Tuáivunjaargâ asâttâh lii škoovlâ paaldâst Moškisjäävri riddoost čujottâsâst Toivoniementie 290. Tuáivunjaargâst láá oovtâ já kyevti ulmuu visteh. Ohtâsiih láá tupekievkkâneh, hiivsig já rišoh. Kievkkânist láá hellá/uvnâ, mikro já jieŋâ- já puolâšskappi.

Jotokocceem

Asâttuv ässee tiävdá aassâmluámáttuv já máksá čoovdâpaantâ ko sun asâiduvá. Ässei luovâttuvvoo persovnlávt čoovdâ, mon ij uážu adeliđ ovdâskulij. Asâttuvâst láá abloy-čovduuh já šleđgâčovduuh. Jis čoovdâ láppoo, te tast ferttee mäksiđ 50 € já uuvsâ leehâstmist piärroo ain vyeimist leijee máksu. Ässee kalga leđe kiärgus tuođâštiđ persovnvuođâs uuvsâ lehâstem ohtâvuođâst. Aanaar asâttuv nk. váldu-uksâ lii áávus tme 8.30 - 22.00, eres uuvsah láá luuhâst. Puoh asâttuvâin láá vakšumkamerah.

Aanaar

Kaamâs

Iänudâh

Virpi Valle-Perätalo

Matti Harjuniemi

Jarmo Wetterstrand

Jotokocceem

Auto sajostittem

Sävni já posâlâddâmviste

Porgottem já lyeneh

Saamelaisalueen koulutuskeskus

SAKK / Luontaistalouden kehittämisyksikkö

SAKK / Enontekiön toimipaikka

SAKK / SAJOS

SAKK / Virtuaalikoulu