Niillas Holmberg.

Niillas Holmberg teikkâ Jalvvi Anna-Liissá Niillas (š. syeinimáánu 2. peeivi 1990, Ucjuuhâ[1], Suomâ) lii sämmilâš tihtâčällee, kirječällee, musikkár, čaittâleijee, TV-jođetteijee já aktivist.
Siskáldâslisto.


Eellim. 
Niillas Holmberg šoodâi syeinimáánu 2. peeivi 1990 Ucjuuvâst. Suu eeči lii sämmilâš párnái- já oppâkiirjij kirječällee já jurgâleijee Veikko Holmberg[2] já suu enni lâi sämmilâš máttáátteijee Anna-Liisa Guttorm. Ko Holmberg lâi 12-ihásâš, suu enni jaamij purâsân. Holmberg rávásmij Ucjuuvâst, kost sun juuđij Ucjuvnjäälmi škoovlâ orjâlâškielâg luoka[3]. 16-ihásâžžân sun varrij Tamperen luvâttuv tiet.[4] Taaiđâluvâttuvvâst sun teeivâi Roope {Mäenpää}£{Mäenpääin}, kiäin sun maŋeláhháá vuáđudij lávlumduo Niillas Holmberg & Roope Mäenpää.[4][5] Luvâttuv maŋa sun maacâi Ucjuuhân.
Karrieer 
Teatter- já televisiopargo 
Jo škoovlâ ääigi Holmberg lâi ive 2009 valmâštum Yleisradio minirááiđust Lopun alku[6], mii muštâl vyevdičuoppâmčuolmâin Anarist. Siämmáá ive Holmberg {jođetškuođij}€{joođeetškuođij} Yle pyevtittem sämikielâg Unna Junná -párnáiohjelm. Sun lii čaittâlâm {eereeb iärrás}€{eres lasseen} Kuovdâkiäinust tuáimee Piäiváš Säämi Aalmugteatterist[6] já lii lamaš sämikielâg párnáiohjelmist NRK:st Taažâ peln.
Holmberg elimist já määđhist jieijâslágán taidârin muštâleijee Soajálaččat-elleekove vuosâeehid lâi kuovâmáánu 2. peeivi 2013 Skammâkoveh-elleekovefestivaalist. Elleekove lii stivrim Ima Aikio-Arianaick.
Muusik .
Poppoo-juávhu jesânin 14-ihásâš Holmberg vuoitij ive 2005 Sámi Grand Prix -kišto lávlumuási lavluin Giella ii leat jáddan (anarâškielân Kielâ ij lah časkâm).[3][8] Holmberg raahtij pitá saanijd já meid ráppái taid.
Holmberg lii almostittâm kyehti orjâlâškielâg folk-muusikalbum oovtâst tamperelâš klassiklâš muusik nuotâsteijee Roope Mäenpääin.[5] Duost Holmberg láávlui já čuojâttij kiitaar, já Mäenpää čuojâttij selo já piano.[9] Suomâ já Taažâ lasseen kyevtis lávdástáin aalmugmuusikjuuhlijn {eereeb iärásij}€{eres lasseen}  Islandist já Eestienâmist. Kyevtis čuojâttáin majemuu konsertis vyesimáánu 25. peeivi 2019.
Holmberg lâi kyessilávlon oovtâst Sofia Jannokáin Amoc singlest Kuobârpoolvâ maŋa (2016) sehe Ailu Valle pittáást Dušši dušše duššat (2012).
Čalluuh .
Holmberg lii almostittám kuttâ tihtâkirje:
    • Dego livččen oaidnán iežan (2009)	  .
    • Amas amas amasmuvvat (2013)		  .
    • Jos itseni pelastan itseltäni (2015).
    • The Way Back (2016)				  .
    • Oaidnaleapmai, Čáhcesiellu (2016)	  .
    • Juolgevuođđu (2018)				  .
Suu tiivtah láá jurgâlum suomâ-, eesti-, saksa-, espanja- já tárukielân.
Holmberg lâi ohtâ Giron Sámi Teáhter CO2lonialNation-čaaitâlm (vuosâeehid 2017) kietâčällein.[11] Sun lii čälimin elleekove kietâčalluu oovtâst {pelikyeimis}£{pelikuoimijnis} Katja Gauriloffáin.
Holmberg vuossâmuš roomaan Halla Helle almostui ive 2021.
Palhâšumeh .
Ive 2010 Holmberg väljejui Riddu Riđu ive nuorâ taiđârin.
Ive 2014 Holmberg vuoitij tihtâkirjestis Amas amas amasmuvvat Sämirääđi kirjálâšvuođâpalhâšume.[15][16] Kirje lâi meid iävtukkâssân Tave-enâmij rääđi kirjálâšvuođâpalhâšumán ive 2015[17], mut ij vuáittám.[18] Ton lasseen Holmberg kirje Juolgevuođđu lâi iävtukkâssân Tave-enâmij rääđi kirjálâšvuođâpalhâšumán ive 2020,[19] ko meiddei suu eeji čäällim kirje Duvro-guovža ja skohtermáđii lâi iävtukkâssân párnái- já nuorâikirjálâšvuođâpalhâšumán.
Ive 2016 Holmbergân keigejui Ive sämmilâš -palhâšume.