Aaššihåidd, siidsååbbar da sää´msuåvtõs 

Saa´mi aa´ššihåidd

Saa´mi õhttsaž aa´ššid håiddad da saa´mi ouddõõzzid vahssâd sää´m vuei´tte va´lljeed saa´mi ouddoummu 3 ka´lndaree´jj ääiǥas Ouddooumaž âlgg lee´d sää´mvuu´dest jälsteei nuõrttsää´mǩiõllčeä´pp da sää´mlää´jj (253/1995) 4 §:st peäggtum ooumaž da kåå´tt lij tän tuõjju põ´stti.

Čâhčča ee´jjest 2014 õnnum vaalin va´lljeeš 1.1.2015 a´lǧǧi tuåimmpâjja saa´mi ouddooumžen Tanja SAnila, te´l. 040 669 3647. Ouddoummu piisren tuåimmai Aune Mettäpuro, te´l. 040 715 3680. Konttâr õhttvuõđteâđ: Saa´mi sijddsååbbar, Sevettijärventie 9080, 99800 ´vvel, ne´ttpåå´št kolttien.kylakokous(at)co.inet.fi

Ouddoummu tuâi

Ouddoummu tuâjjan liâ

• ââ´nned huõl tõ´st, što vee´rjest åårrjen, son kåčč saa´mi sijddsåbbrid da sää´msuåvtõõzzid såbbrõõššâd saa´mid da sää´mvoudda kuulli tu´mmstõõǥǥi da aa´šši tiu´ddepiijjmõõžžâst
• u´vdded teâđaid da vuä´ppõõzzid saa´mid miõttâmvuâlaž ouddõõzzi ooccmõõžžâst da âânnmõõžžâst
• vahssâd lää´jjšeâttmõõžžid, ve´rǧǧnee´ǩǩi tu´mmstõõǥǥid da jee´res tuåimid, koin vuei´tte lee´d vaikktõõzz saa´mi pi´rǧǧumu´šše da jee´res jie´llemåårrmõõžžid, da tuejjeedalttõõzzid pannaa´šši pue´rumuužž peä´lest
• håiddad lää´jjšeâttmõõžžâst, saa´mi ouddoummu vuä´pstem-meärrõõzzâst le´be sijddsåbbar le´be sää´msuåvtõõzz tu´mmstõõǥǥin ouddoummu tuâjjan mie´rruum tuâjaid.