| Sääʹmteʹǧǧ ååcc mieʹrräiggsaž aaʹšši ouʹddepuʹhtti |
|
|
|
Tuâjj älgg 19.3.2015 da peʹštt vuõʹššen 31.12.2015 räjja. Ââʹntemvuõđmäiʹnnen lij tuâi ooudldem škoouʹlʼjumuš da sääʹmǩiõl silttõs (asetõs 1727/95). Tuâi oʹnnstemvuõđlaž håiddmõš ouddlâstt ââʹnteei õllškooultuʹtǩǩõõzz, šiõǥǥ sääʹmǩiõl, lääʹddǩiõl, taarr/ruõccǩiõll silttõõzz di miâlggad pueʹr eŋgglõsǩiõl njaaʹlmilaž da ǩeʹrrjjlaž silttõõzz.
Tuâjast ooudldet še tâʹvvjânmmlaž sääʹmvaaldšem da meeraikõskksai ooumažvuõiggâdvuõđsuåppmõõžži da–tuåimjeeʹji äʹšštobddmõõžž. Tuõjju kooll piisar- da sååbbar-riâššmõõžži lââʹssen õhttvuõđââʹnnmõš jeeʹres jânnmi sääʹmteeʹǧǧid da Ruõšš sääʹmorganisaatiaid di aaʹšši ouʹdde puʹhttemtuâi. Päʹlǩǩmõš meäʹrrââtt sääʹmteeʹǧǧ päʹlkkmõšriâšldõõǥǥ õõlǥtemtääʹzz IV/IV-II mieʹldd (vuâđđpäʹlǩǩ lij 2 457,04 – 2 560,57 eeuʹr kõõskâst määnpââʹjj). Vuâđđpääʹlǩ lââʹssen määuʹset 24 %:n sääʹmvuuʹđ lââʹzz da tuâjjtobddmõõžž mieʹldd meäʹrrõõtti tuâjjtobddâmlââʹzz.
0ccmõõžž mieʹlddõõzzineez âʹlǧǧe vuõltteed sääʹmteeʹǧǧ tuâjjlažkådda 27.2.2015 čiâss 16.00 mõõneeʹst addrõõzzin Sajos, 99870 Aanar leʹbe Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. . Lââʹssteâđaid tuâjast oudd mä. vaaldšemjååʹđteei Pia Ruotsala teʹl. 010 839 3106 leʹbe pueʹtti parlameentaarlaž suåvtõõzz saaǥǥjååʹđteei Klemetti Näkkäläjärvi, teʹl. 050-5242109. Sääʹmteeʹǧǧ da parlameentaarlaž suåvtõõzz tuåimmjumuʹšše vuäitt tobddstõõttâd neʹttadrõõzzâst www.samediddi.fi |