| Sääʹmteeʹǧǧ saaǥǥjååʹđteei lij raukkâm jeäʹrdõõzz tuâjain |
|
|
|
Sääʹmteeʹǧǧ saaǥǥjååʹđteei Klemetti Näkkäläjärvi lij raukkâm jeäʹrdõõzz sääʹmteeʹǧǧ såbbrest väʹlddtuåimmsaž saaǥǥjååʹđteei tuâjast da pukin åskkumtuâjain koid suu leät nõõmtum sääʹmteeʹǧǧ saaǥǥjååʹđteeʹjen.
Näkkäläjärvi lij rätkkjemraukkmõõžžâst iʹlmmtam, što rätkkjemraukkmõõžž tueʹǩǩen lij tõt, što parlameʹntt ij primmâm halltõõzz eʹtǩǩõõzz sääʹm-meäʹrtlmen. Näkkäläjärvi mieʹldd parlameeʹnt tuʹmmstõk vaarat säʹmmlai alggmeerstaattuuzz.
Näkkäläjärvi lij iʹlmmtam, što son lij raukkâm jeäʹrdõõzz še sääʹmteeʹǧǧ vuäzzlažvuõđâst riikksuåvtõõzzâst
Sääʹmteeʹǧǧ halltõs noorââtt valmštõõllâd ääʹšš. Sääʹmteeʹǧǧ såbbar õʹhttekåččmõš lij vuäittmõõžži mieʹldd samai sõrgg. Saaǥǥjååʹđteei tuâjaid håidd tõn äiʹǧǧen I vääʹrrsaaǥǥjååʹđteei Tiina Sanila-Aikio da II vääʹrrsaaǥǥjååʹđteei Heikki Paltto. Klemetti Näkkäläjärvi lij kuâđđjam eeʹǩǩluõvâsvuõʹtte.
|