Sääʹmnuõri čeäppvuõđpeeiʹvid lij riõššum 1970-looǥǥ alggeeʹjjin vueʹljeeʹl da määŋgas tän peeiʹv sääʹmčeäʹppneeʹǩǩin lie vuäǯǯam to´ben vuõssmõõzzid ǩiõččjeez da čuäʹjtõõllâmtobddlmes. Sääʹmnuõri čeäʹppvuõđpeeiʹv lie odinakai juõǩǩekksaž mieʹrraaiʹji riõššum sääʹmǩiõllsaž nuõrišõddmõš Lääʹddjânnmest. Tåʹlǩ õhttešt čeäʹppvuõđpeeiʹvid leät riõššum säʹmmlai dommvuuʹd oolǥbeäʹlnn Ruäʹvnjâârǥâst eeʹjjest 2010.

 

Tän eeʹjj teeʹmmen lij musiikk. Seärad päärnaid lie prograammâst teaʹttertuâjjpõõrte, koin vuâđđeet pueʹtti eeʹjj čeäʹppvuõđpeeiʹvid. Taʹrjjemest lie še jm. räp- da räiddkartt-tuâjjpõõrte. Seärad-jeäʹǩǩaa ääʹveempooddâst luuʹdi õõl kaggâʹtte Uccjooǥǥ päärnai laauljoukk Modji Anna Näkkäläjärvi-Länsman jååʹđtemen, Sámi Grand Prix-vuõiʹtti Aila Duo di õide ođđ cd-bliin õʹlmmääm räp-musiikk raajji da čuäʹjteei Ailu Valle. Musiikkteeʹmm lij väʹlddkååddlaž da Uccjooǥǥ šõddmõõžžâst vaʹlljeet eʹtǩǩeejed väʹlddkååddlaž SOUNDS-šõddmõʹšše, kååʹtt ââʹnet ǩiđđmannust Porvoo-gåårdest.

 

Uccjooǥǥ šõddmõõžž musiikkǩeâstõõttmõʹšše lie iʹlmtõõttâm õhtsiʹžže 21 joukkâd. Tän eeʹjj kuuʹǩǩmõsân pueʹtti vuässõõtti puäʹtte Heʹlssnest City sámit -sieʹbrr tueʹrjin. Sääʹmteʹǧǧ riâšš Sääʹmnuõri čeäʹppvuõđpeeiʹvid õõutveäkka pääiklaž škooulin. Šõddmõõžž teäggted mättʼtem- da kulttuurministeriast vuõǯǯum valdiaveäʹǩǩtõõzzin.

 

Čeäʹppvuõđpeeiʹvi ääʹveempoodd ââʹnet seäradjeäʹǩǩaa 25.3. čiâss 18.30 ääʹljeeʹl. Musiikkǩiõččlmõš Uccjoknjääʹlm škooulâst jåttai nelljdpeeiʹv 26.3. čiâss 10.00. Tiõrvpueʹttem mieʹldd sääʹmnuõri rämmsallaž čeäʹppvuõđpeeiʹvid! PROGRAMM!

 

Eeʹjjest 2016 riâššâmvuârast lij Aanar da väʹlddkååddlaž teeʹmmen lij teaʹtter. Čeäʹppvuõđpeeiʹvid riâššât Sajoozzâst, koon pâʹjjel 400-päikksaž auditorio da õlltässʼsaž čuäʹjtemkrilcc tekniikkaineez ouʹdde šõddmõʹšše šiõǥǥ raamid. Praav sääʹmteeʹǧǧ interneʹttseeidain!

Minna Lehtola

minna.lehtola(at)samediggi.fi

teʹl. 010 839 3196010 839 3196 / 050 4638 285050 4638 285

www.samediggi.fi  

www.nuorikulttuuri.fi   

YLE Sápmi 19.3.2015