| Sääʹmteeʹǧǧ võboreeʹǩǩ kõʹllʼje Heʹlssnest da kaaunõʹtte jeeʹres ministeriai veʹrǧǧneeʹǩǩivuiʹm da kulttuurtuâj teäggteeʹjivuiʹm |
|
|
Sääʹmteeʹǧǧ saaǥǥjååʹđteei Tiina Sanila-Aikio, Sääʹmteeʹǧǧ vuäzzla da kulttuurluʹvddkååʹdd saaǥǥjååʹđteei Tauno Haltta, mä. vaaldšemjååʹđteei Pia Ruotsala da vs. kulttuurpiisar Riitta Orti-Berg kõʹllʼje Heʹlssnest 5.-7.5.2015 da kaaunõʹtte jeeʹres ministeriai veʹrǧǧneeʹǩǩivuiʹm.
Snimldõk Minna Rantala
Prograʹmme kuuli kõʹllʼjummuš jm. mättʼtõs- da kulttuurministeriast, sosiaal- da tiõrvâsvuõttministeriast, riikkteäʹǧǧministeriast di jååđlõk- da saakkeem-ministeriast. Lââʹssen sääʹmteeʹǧǧ võboršeeʹǩǩ tobdstõʹtte City-Sámit rõ, Veikkaus, Čeäppõõzz oouʹdeemkõõskõõzz, Koneensäätiö da Lääʹddjânnam kulttuurfoond tuåimmjummša.
Sääʹmteeʹǧǧ võboršeeʹǩǩ puʹhtte ouʹdde sääʹmkulttuur da sääʹmǩiõli vueʹjj Studia Generaliast mââibaarǥ vueʹssmannu 5. peeiʹv. Sosiaal- da tiõrvâsvuõttministeria da ålggaaʹššiministeria veʹrǧǧneeʹǩǩ kuvddle eʹtǩǩõõzzid peʹrsteeʹl di kõõjjee da saaǥǥstõʹlle aktiivlânji.
Riikkteäʹǧǧ- di mättʼtõs- da kulttuurministeriast saaǥǥstõõllâm vuâđđjurddjen leäi Sääʹmteeʹǧǧ kulttuurluʹvddkååʹdd huõll ns. sääʹm kulttuurmieʹrrtieʹǧǧ riʹjttjeteʹmvuõđâst. Kueʹhtten mââimõs eeʹǩǩen kulttuurmieʹrrteäʹǧǧ lij leämmaš 176 000 euʹrred. Kaaunõõttâm mieʹrren leäi puʹhtted ouʹdde riikk mäʹhssemplaanâst sääʹmǩiõllsa kulttuur ooudâsviikkmõʹšše da sääʹmorganisaatiai tuåimmjummša vaʹrrjum mieʹrrtieʹǧǧ miârktõõzz sääʹmkulttuuʹre.
Snimldõk Minna Rantala
Sääʹmteeʹǧǧ võboršeeʹǩǩ tobdstõʹtte City-Sámit rõ tuåimmjummša di õhttõõzz riâššâm ǩiõllpieʹsstuåimmjummša kõʹllʼjeeʹl ǩiõllpieʹss Mánnu pääiʹǩest Pasilast. Lââʹssen võboršeeʹǩǩ jiõʹlle tobdstõõttmen Veikkaus, Čeäppõõzz oouʹdeemkõõskõõzz, Koneensäätiö da Lääʹddjânnam kulttuurfoond tuåimmjummša. Kulttuurtuâij miârkkšõõvvi teäggteeʹjid mainsteš Sääʹmteeʹǧǧ kulttuurluʹvddkååʹdd tuåimmjummsest di sääʹm kulttuurtuâj ǩeeʹddest.
Sääʹmteeʹǧǧ saaǥǥjååʹđteei da mä. vaaldšemjååʹđteei kaaunõʹtte vuõiggâdvuõttministeriast vuõiggâdvuõttminiʹstter Anna-Maja Henrikssonin di ministeria veʹrǧǧneeʹǩǩivuiʹm. Mieʹldd leʹjje še vääʹrrsaaǥǥjååʹđteei Heikki Paltto da Ulla-Maarit Magga di saaǥǥjååʹđteei veäʹǩǩteei Inka Saara Arttijeff. Kaaunõõttâmpoodd saaǥǥstõʹlleš Sääʹmteeʹǧǧ tän poddsa aaʹššin di lääʹǩǩhaʹŋǩǩõõzzin, jm. sääʹmǩiõll-lääʹjj taʹrǩǩummsest. Saaǥǥjååʹđteeikåʹdd haaʹlii še späʹssbõõššâd vuõiggâdvuõttminiʹstter Henriksson ärvvsa tuâjast mâiʹd son lij tuejjääm säʹmmlai ouʹdde mõõnni vaalpââʹj äiʹǧǧen. |
|
| Viimeksi päivitetty ( 21.05.2015 ) |