Sääʹmteeʹǧǧ halltõõzz sååbbar 8.6.2015 |
![]() |
![]() |
Sääʹmteeʹǧǧ halltõs såbbrõõ˛˛i 8.6.2015 Aanrest
Sääʹmteeʹǧǧ halltõs priimi eeʹjj 2014 tiillǩiõrǥtõõzz puåđõslasklmin da balaansin da tõi mieʹlddõsteâđaivuiʹm. Lââʹssen halltõs priimi tuåimmjem-mainstõõzz teevvmõõ˛˛ivuiʹm di vuâllaǩeeʹrjti tiillǩiõrǥtõõzz eʹtǩǩeeʹl täid äʹššǩeeʹrjid õõutveäkka tiilltaʹrǩǩeeʹji mâŋŋa uʹvddem tiilltaʹrǩǩeem-mainstõõzzin Sääʹmteeʹǧǧ såbbar ǩiõttʼtõõllâm da ravveem vuâlla.
Halltõs priimi da eʹtǩǩad ooudâs Sääʹmteeʹǧǧ såbbra eʹtǩǩõõzz sääʹm-mättʼtõõzz ooudeem vääras da sääʹmǩiõllsa˛ mätt-materiaaltuâj kuõskki riikkveäʹǩǩvuõttân eeʹjj 2017 täällarvvlõõzzâst, eʹtǩǩõõzz sääʹmǩiõllsa˛ kulttuurmieʹrrteäʹǧǧen riikk täällarvvlõʹsse 2017, eʹtǩǩõõzz sääʹmǩiõllsa˛ soti-kääzzkõõzzi staanma da ooudummša ekka 2017 di eʹtǩǩõõzz sääʹmǩiõllsa˛ ouddpeâmmamkääzzkõõzzi staanma da ooudummša ekka 2017.
Halltõs saaǥǥstõõli sääʹmǩiõll-lääʹjj ooudeemtaarbi pirr. Vuõiggâdvuõttministeria lij raukkâm Sääʹmteeʹǧǧ ceäʹlǩǩed ǩiõččlâsttmõõ˛˛i diõtt sääʹmǩiõll-lääʹjj suåvldummšest. Ciâlkâlmraukkmõš lij vueʹss vuõiggâdvuõttministeria altteem sääʹmǩiõll-lääʹjj taʹrǩǩeemprograamm, koon mieʹrren lij ärvvtõõllâd lääʹjj tuåimmjemvuõđ. Halltõs uuʹdi saaǥǥjååʹđtejja da ǩiõllstaanpiisra vääʹld raajjâd looppla˛ ciâlkâlm.
Halltõs priimi säʹmmlai kulttuur- da ǩiõllpieʹsstuåimmjeeʹm teäggtemvuâđaid. Sääʹmteeʹǧǧ sosiaal- da tiõrvâsvuõttluʹvddkåʹdd lij halltõõzz tuʹmmstõõǥǥin valmštõõllâm piirieeʹjji õhttsa˛tuâjast ǩiõllpieʹsstuåimmjeeʹjivuiʹm teäggtemooccmõõ˛˛id ministeriaaʹje. Sääʹmteʹǧǧ oudd eʹtǩǩõõzz teäggtemvuâđain, što mättʼtõs- da kulttuurministeria vaaldšeeʹm vuuʹdest čuäʹjtet säʹmmlai ouddpeâmmamkääzzkõõzzi da kulttuur- da ǩiõllpieʹsstuåimmjeeʹm staanma di ooudâsviikkma riikkveäʹǩǩvuõttân õhttseʹ˛˛e 4 790 00 euʹrred, koʹst 2 400 000 euʹrred sääʹmǩiõllsa˛ ouddpeâmmamkääzzkõõzzi staanma obb jânnmest, 170 000 euʹrred sääʹm ouddpeâmmam- da ǩiõllpieʹssvuäʹpsteei veeʹrji vuâđđeem diõtt Sääʹmteeʹǧǧ õhttvuõʹtte da 2 220 000 euʹrred säʹmmlai kulttuur- da ǩiõllpieʹsstuåimmjummša.
Halltõs saaǥǥstõõli Sääʹmteeʹǧǧ puõlvvõkprograammâst da tuʹmmji seʹrdded ääʹšš juätkkvalmštõõllmõʹšše. Prograamm täävtõssân lij ooudâsviikkâd säʹmmlai õhttsa˛kåʹddvuõđ Sääʹmteeʹǧǧ tuåimmjemprograamm vaalpâjja 2012-2015 pijjum täävtõõzz meâldlânji. Puõlvvõkprograamm mieʹrren lij, što jeeʹres puõlvvõõǥǥi (ââʹǩǩjoouki) taarbid vääldčeš lokku Sääʹmteeʹǧǧ tuåimmjummšest da lââʹzzteʹčeš jeeʹres puõlvvõõǥǥi kõskksa˛ kõskkvuõđid. Programm lij rajjum jeeʹres luʹvddkooʹddi õhttsa˛tuâjain, da tõʹst ǩiõttʼtõõlât jeeʹres puõlvvõõǥǥi spesiaalkõõččmõõ˛˛id di taarbid.
Halltõs tuʹmmji Sääʹmteeʹǧǧ vuässõõttmest Lääʹddjânnam jiõččna˛vuõđ čueʹđekksa˛prääʹzneǩeeʹǩǩ 2017 -prograamm valmštõõllmõʹšše. Lääʹddjânnam jiõččna˛vuõđ prääʹzneǩeeʹjj vuâđđjurddjen lij Õõutveäkka, da täävtõssân lij raajjâd jieʹlli prograamm riikksuåvtõõzz pravleeʹnnʼja jååʹđtummu˛ vueʹlnn õõutsââʹjest jeeʹres tuåimmjeeʹjivuiʹm. Prääʹzneǩeeʹjj valmštâʹlle juõʹǩǩ mannu noorõõtti halltõs da piirieeʹjji noorõõtti väʹldduumkåʹdd. Väʹldduumkååʹddest Sääʹmteeʹǧǧ eeʹttkâstt saaǥǥjååʹđteei. Halltõs tuʹmmji, što Sääʹmteʹǧǧ vuässââtt Lääʹddjânnam 100-prääʹzneǩekka teeʹmin säʹmmla, romaan da Lääʹddjânnam jiõččna˛vuõtt. Tuåimmjummu˛ plaanma da teäggtemooccmõõ˛˛ valmštõõllma vuässâʹtte Petra Magga-Vars, Riitta Orti-Berg da Oula Guttorm.
Halltõs tuʹmmji äävsaaǥǥstõõllâmpoodd riâššmõõ˛˛âst aanrõõ˛˛i ääiʹjpoddsa˛ aaʹššin. Tarbb veiddsõs äävsaaǥǥstõõllâmpoodd riâššmõõ˛˛âst di Sääʹmteeʹǧǧ aktiivla˛ rool ääʹššest lij vuâlggam aanrõš Sääʹmteeʹǧǧ vuäzzlain. Huõllân vueiʹnet aanarsäʹmmlai kõskksa˛ juâkkõõttmõõ˛˛, kååʹtt lij uuʹccbõõzz jieʹllemviõkkvuõđ naddstummu˛ beäʹlnn huõllân ââʹnnemnallšem äʹšš. Halltõs tuʹmmji, što saaǥǥstõõllâmpoodd valmštõõllmõõ˛˛âst vaʹsttee saaǥǥjååʹđteei veäʹǩǩteei da Sääʹmteeʹǧǧ vuäzzla˛ Anna Morottaja.
Halltõs tobdstõõđi Sääʹmteeʹǧǧ ekonoomla˛ teâuddjemrapoʹrtte ääiʹjest 1.1.-30.4.2015 da mieʹrǩǩii teâuddjemrapoort teâttan. Lââʹssen halltõs miõđi rätkkjummu˛ Tauno Halttaaʹje Nuõrtsääʹmkulttuurfoond halltõõzzâst da vaʹlljii Sääʹmteeʹǧǧ ođđ võboršeʹǩǩen foond halltõʹsse Pertti Heikkuri.
Lââʹssteâđaid oudd Sääʹmteeʹǧǧ saaǥǥjååʹđteei Tiina Sanila-Aikio, teʹl 050 3001 780,
tiina.sanila-aikio(at)samediggi.fi
|
|
Viimeksi päivitetty ( 10.06.2015 ) |