Projee´kt diõtt Lää´ddjânnam sää´mte´ǧǧ ååcc mie´rräiggsaž proje´kttpiisar.

 

Tuâjj älgg 1.8.2015 da peštt 31.5.2018 räjja. Proje´kttpiisar tuõjju ko´lle projee´kt juõ´ǩǩpeivvsaž koontârtuâj, såbbri riâššmõš di projee´kt ǩee´rjtue´lljõstuâjain huõlâânnmõš. Tuâjjli´žže vuei´tet mie´rreed jee´res tuåimid, kook ko´lle õhttsažtâ´vvjânmmlaž sää´mǩiõl ämmat- da resursskõõskõõzz juätkkeemha´ŋǩǩõsse.

 

Ââ´ntemõõlǥtõssân lij tuâi ooudldem škoou´l’jumuš da lää´ssen õõlǥtet sää´mǩiõl silttõõzz. Tuâi o´nnstemvuõđlaž håiddmõõžž ooudâsve´ǩǩe šiõǥǥ sää´mǩiõl njaa´lmilaž da ǩe´rjjlaž silttõs di ri´jttjeei tuâjjtobddmõõžž koontâr- da ǩee´rjtue´lljõstuâjain.

 

Õhttsažtâ´vvjânmmlaž sää´mǩiõl ämmat- da resursskõõskõõzz tuâjjǩiõl liâ sää´mǩiõll di lää´ddǩiõll da ruõcc/taarrǩiõl. Kõõskõõzz tuâjjan lij õõutsââ´jest sää´mtee´ǧǧivui´m õhttsažtâ´vvjânmmlaž ǩiõllõhttsažtuâj ravvummuš da ooudâsviikkmõš, sää´mǩiõl ravvummuš da ooudâsviikkmõš nu´tt, što tä´st peäggtum ǩiõlljoouk persoon-nallšem taarb, ǩiõlltuâi da resuurss vää´ldet lokku, da sää´mǩiõl jeälltummuš da staanummuš puõ´ttiääi´jest.

 

Proje´kttpiisar lij tuâjjkõskkvuõđâst Lää´ddjânnam sää´mtegga da pä´lǩǩmõš meä´rrââtt Lää´ddjânnam sää´mtee´ǧǧ pä´lǩǩriâšldõõǥǥ vä´ǯǯelvuõđtää´zz VI/II mie´ldd (vuâđđpä´lǩǩ lij 1 842,14 eu´rred/mp). Vuâđđpää´lǩ lââ´ssen määu´set 24 %:tt sää´mvuu´đ lââ´ss da tuâjjtobddmõõžž mie´ldd meä´rrâ´tte ä´šštobddâmlââ´zz. Tuåimmpäi´ǩǩ lij Sää´mtee´ǧǧ tuâjjlažkåå´ddest Sajoozzâst.

 

Ooccmõõžž mie´lddõõzzineez â´lǧǧe tuåimted Lää´ddjânnam sää´mtee´ǧǧ piisarkådda

10.7.2015 čiâss 16.00 mõõneeʹst addrõõzzin: Sajos, 99870 Aanar.

Lââ´ssteâđaid tuâjast ouʹdde ǩiõllstaanpiisar Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

mä. ǩiõllstaanpiisar Marko Marjomaa Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Sää´mtee´ǧǧ tuåimmjummša vuäitt tobdstõõttâd ne´ttaddrõõzzâst www.samediggi.fi.