| Ǩiõllkaʹlddi vuäǯǯ teäggtõõzz |
|
|
|
Sääʹm parlamentaarla˛ suåvtõõzz jååʹđteei, Tiina Sanila-Aikio, lij toođva˛, ko Sääʹm Ǩiõllkaʹlddi vuäǯǯ teäggtõõzz Interreeggast. Tät teäggtõs tuejjad vueiʹtlviʹ˛˛en raaji rââst vuällai ǩiõllõhttsa˛tuâj, särnn Sanila-Aikio.
Terminologiatuõjju jõnn tarbb
Ođđ teeʹrm, sääʹn lie sääʹmǩiõl ââʹnnem mäinnan peeivla˛ mainstemǩiõlâst, ǩeerjla˛ ǩiõlâst, mediain, sosiaalʼla˛ mediain da jeeʹres ǩiõllââʹnnemareenain. Ǩiõllkaʹlddi tuejjad tuâj vuõssʼsââʹjest terminologiain da normmummšin. Saujj-, julev-, tâʹvv-, aanar- da nuõrttsääʹmǩiõl ǩiõlljuâǥǥtõõzz preʹmme da siõssâʹlle ođđ terminologia âânnmõõ˛˛.
Ǩiõllkaʹlddi lij Ruõcc, Lääʹddjânnam da Taar sääʹmteeʹǧǧi õhttsa˛tuâjjprojeʹktt.
-Ko ǩiõʹlle šâʹdde da sâjjdâʹvve ođđ sääʹn, de lij vueiʹttemvuõtt čõõđted še jeeʹres ǩiõlltuåimid, ouddmiârkkân raajjâd mättǩeeʹrjid da jeeʹres mättmateriaalid jeeʹres sääʹmǩiõlid, särnn Taar sääʹmteeʹǧǧ presideʹntt Aili Keskitalo.
Sääʹmǩiõli ǩiõllraaj jie mõõn riikkraaji mieʹldd. Tiiudla˛ ǩiõllpolitikk taarbaš šiõǥǥ õhttsa˛tuâj riikkraaji rââst. Saujj- da julevsääʹmǩiõlid mainste Taarrâst da Ruõccâst, tâʹvvsääʹmǩiõl tõi lââʹssen še Lääʹddjânnmest, aanrõšǩiõl tåʹlǩ Lääʹddjânnmest, leâʹša nuõrttsääʹmǩiõl mainste nuʹtt Lääʹddjânnmest da Ruõššjânnmest di siõmmna Taar peäʹlnn še. Ǩiõllkaʹlddi täävtõssân lij raajjâd ouddmiârkkân saujjsääʹmǩiõʹlle nåkam teeʹrmid, saaʹnid, koid fiʹttjet nuʹtt Taarâst ko Ruõccâst še.
-Tâʹvvjânnamla˛ ǩiõllõhttsa˛tuâjj lij tääʹrǩes sääʹmǩiõli õhttsa˛ vuâđ seeilteeʹm diõtt nuʹtt, što sääʹmǩiõlid vuäitt ââʹnned riikkraaji rââst da raaj jie cõõgg sääʹmǩiõllsai kõskksa˛ kuullmõõ˛˛, särnn Ruõcc sääʹmteeʹǧǧ halltõõzz jååʹđteei Håkan Jonsson.
Vasttõssân ǩiõli taʹrbbe
Ǩiõllkaʹlddi tuejjad tuâj ämmatla˛ äʹšštobddiorgaanân da taʹrjjad ǩiõllvieʹǩǩ da vuäʹppast sääʹmǩiõli âânnmõõ˛˛ kuõskki kõõččmõõ˛˛in. Tõt miârkkšââvv tõn, što ǩiõllõõʹni vuäiʹtte kõõččâd Ǩiõllkaʹlddjest vuäʹppõõzzid ouddmiârkkân tõõzz, mäʹhtt mõõn-ne ǩeeʹrjtet säämas. Terminologiatuâjai da normmummu˛ lââʹssen kõõskõõzz tuâjaid kooll še ǩiõllhuõll. Tõn lââʹssen Ǩiõllkaʹlddi tuâjjan lij jueʹǩǩed teâđaid sääʹmǩiõli pirr da sääʹmǩiõl ämmatla˛ kõõččmõõ˛˛in di iʹlmmted ǩiõllaaʹššid.
Põõšši tâʹvvjânnamla˛ ǩiõllõhttsa˛tuâjjorgaan
Sääʹmǩiõli pââimõs tuʹmmjemorgaan ij vueiʹt leeʹd tåʹlǩ projeʹktt. Projeʹktt oudd sääʹmteeʹǧǧid koumm eeʹjj ääiʹj riâššâd Sääʹm Ǩiõllkaʹlddja põõšši teäggtõõzz.
-Sääʹmǩiõli vueʹǩǩ lij õinn rââʹšš. Tõn diõtt sääʹmǩiõll ij vueiʹt leeʹd tåʹlǩ projeʹktt. Ååʹn meeʹst lij šiõǥǥ vueiʹttemvuõtt tuejjeed tuâj kõrrset politiikklânji riikki veʹrǧǧneeʹǩǩi- da halltõõzzivuiʹm, što kõõskõs šâdd põõššjen, looppat Sääʹm Parlamentaarla˛ Suåvtõõzz jååʹđteei Tiina Sanila-Aikio.
Kooum eeʹjj projeʹktt
Nuʹtt kooum eeʹjj projeeʹkt obb-budjeʹtt lij nuʹtt 3,1 eurod (nuʹtt 25,5 miljoon Taar kruunâd). Mõõnni neäʹttlest vuåǯǯuš teâđ, što Lääʹddjânnam, Ruõcc da Taar sääʹmteeʹǧǧ vuäǯǯa projektta Interreg-tuärjjõõzz nuʹtt 920 000 eurod (nuʹtt 7,5 miljoon Taar kruunâd) da riikkla˛ IR-tuärjjõõzz Taarrjânnmest pâʹjjel 160 000 eurod (pâʹjjel 1,3 miljoon Taar kruunâd). Projeeʹkt teäggte Interreg Tâʹvv-prograamm Sápmi-vueʹssprograamm lââʹssen Lappi lett, Tromsa mäddkåʹdd, di Taar, Ruõcc da Lääʹddjânnam sääʹmteeʹǧǧ. Projeʹktt peštt koumm eeʹjj da tõn jååʹđat Lääʹddjânnam sääʹmteʹǧǧ. Ǩiõllkaʹlddi tuåimmješkuätt påʹrǧǧmannu 3. peeiʹv 2015 rääʹjest.
Lââʹssteâđaid vuäǯǯak:
Tiina Sanila-Aikio, Sääʹm Parlamentaarla˛ Suåvtõõzz jååʹđteei / Lääʹddjânnam sääʹmteeʹǧǧ saaǥǥjååʹđteei
+358 50 300 1780
Aili Keskitalo, Taar sääʹmteeʹǧǧ presideʹntt +47 971 29 305
Håkan Jonsson, Ruõcc sääʹmteeʹǧǧ halltõõzz saaǥǥjååʹđteei +46 70 322 83 01
|
|
| Viimeksi päivitetty ( 26.06.2015 ) |