Ǩieʹsshaʹrjtõõlli jååʹđee mättmateriaaltuāi PDF Tulosta
Sääʹmteeʹǧǧ škoouʹlʼjem- da mättmateriaalkonttrest tueʹjjee kutt ǩieʹsshaʹrjtõõlli. Škoouʹlʼjem- da mättmateriaal-luʹvddkåʹdd tuʹmmii uʹvdded ǩieʹsstuejjpääiʹǩ jäänbõs nuõrid ko ääijab eeʹjjin. Ǩieʹsshaʹrjtõõlli räʹjje sääʹmǩiõllsa˛ mättmateriaal nuõrtt-, aanar- da tâʹvvsääʹm ǩiõlivuiʹm. Oktavuohta-neʹttlõstt vuäǯǯ še ođđ siiskõõzz.
 
  
geassenieiddat (00000003).jpg
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Snimldõõǥǥâst puk kutt škoouʹlʼjem- da mättmateriaalkoontâr ǩieʹsshaʹrjtõõlli: Risten Mustonen, Milla Pulska, Arla Magga, Anna-Katariina Feodoroff, Henna Lehtola da Solja Magga. Snimldõk Nihkolas Valkeapää.
 
Henna Lehtola mättʼtââll Oulu universiteeʹttest aanarsääʹm ǩiõl aaunâsuʹčteeʹlen da lij õhtt vuõssmõõzzin aanarsääʹm väʹlddaaunâsmättʼttõõđjin. Henna tuõjju ǩieʹssharjtõõllmõõ˛˛âst kooll vuâđđmättʼtõõzz kuälmad klaass matematiikk ǩeeʹrj jåårǥlâttmõš da jieʹnnǩiõl materiaali ooudâsviikkmõš vuâđđmättʼtõʹsse. Henna oʹhjjeejen mättmateriaaltuâjast tuåimmai aanarsääʹmǩiõllsa˛ mättmateriaal projeʹktt-tuâjjla˛ Miina Seurujärvi.
 
Anna-Katariina Feodoroff lij eeʹjj 2014 pâʹjjmättʼtõõtti, ǩii čõõʹđti õhttân vuõssmõõzzin nuõrttsääʹm jieʹnnǩiõl pâʹjjmättʼtõõttiteeʹst da mättʼtââtt ååʹn Lappi universiteeʹttest šõddeemteâđaid. Anna-Katariina rääjj nuõrttsääʹm veeʹres ǩiõl mättǩeeʹrj lookkjiškoouʹle da nåårr nuõrttsääʹmǩiõllsaid da nuõrttsääʹmǩiõʹlle jåårǥlõttum laulljid laaulǩeʹrjjen. Anna-Katariina oʹhjjeejen mättmateriaaltuâjast tuåimmai nuõrttsääʹmǩiõllsa˛ mättmateriaal projeʹktt-tuâjjla˛ Merja Fofonoff, ǩii lij Miina Seurujärvi nalla ođđ tuâjjla˛ škoouʹlʼjem- da mättmateriaalkonttrest.
 
Arla da Solja Magga juäʹtǩǩe ǩieʹssharjtõõllmõõ˛˛âst teeimjⲠǩeässa altteʹmmes digitaalʼla˛ mättmateriaal ǩiõttǩeeʹrjtummu˛. Digimateriaal lie ođđ vuʹvdd sääʹmteeʹǧǧ mättmateriaaltuâjast. Vuõssmõs aalǥ rääʹjest jiiʹjjen tuâjjan valmštum digimateriaal valmštââvv tâʹvvsääʹm veeʹres ǩiõl ođđ jååʹttmen åårrai raiddu. Rääid vuõssmõs vuäʹss, Gea 1, õʹlmmeeš jååʹtti eeʹjj da tõn lij ǩiõttǩeeʹrjtam Oona Länsman. Arla da Solja mättʼtâʹlle Oulu universiteeʹttest väʹlddaunnsen tâʹvvsääʹm ǩiõll.
 
Risten Mustonen jåårǥlâtt da suåvat tâʹvvsääʹmǩiõʹlle lääʹddǩiõllsa ´Teâtt, täidd & kuånstt´(´Tieto, taito & temppu´)-luʹvddsiõr, kååʹtt lij ääiʹjben õʹlmmuum juʹn aanarsääʹm ǩiõʹlle. Siõrr suåpp vuâlla škooulâkksaid da siõm škooulneeʹǩǩid. Risten mättʼtââll Oulu universiteeʹttest tâʹvvsääʹm ǩiõl da matematiikk uʹčteeʹlen. Risten da Arla ooʹđee ǩeässa 2014 Pekka Lukkari (Biehtar Ánte) 1970-looǥǥâst õʹlmmeem tâʹvvsääʹmǩiõllsa looǥǥtõõǥǥ ´Lohkamušak´ tääʹl ââʹnnmest åårrai ortografiaaʹje.
 
Milla Pulska peeivat da rääjj ođđ aunstõõzz sääʹmteeʹǧǧ dommseeidai õhttvuõđast õʹlmmuum Oktavuohta -neʹttlõʹstte. Milla mättʼtââll sääʹmǩiõllsa˛ klassuʹččteeʹlen täidd- da čeäppõsvuuʹd škoouʹljemprograammâst Oulu universiteeʹttest. Milla lij mainstâttam neʹttlõʹstte Hildá Länsman, Áile-Risten Holmberg, Mikkal Morottaja leʹbe Amoc, Mikkel Näkkäläjärvi, Henna Lehtola da Niillas Holmberg. Ođđ mainnâz lie lookkmest neʹttlõõstâst sueiʹnnmannust.
 
Sääʹmteʹǧǧ lij pâsttam paʹlǩǩeed jäänab mättmateriaaltuâjjlaid 2010-looǥǥ mieʹldd puârrnam mieʹrrteäʹǧǧvueʹjjes määinast. Lââʹssteâđaid sääʹmteeʹǧǧ õʹlmmeem mättmateriaalin täʹst . 
 
 
 
 
 
 
 
 
 
 
 
 
 
 
 
 
 
 
 
 
 
Viimeksi päivitetty ( 03.07.2015 )
 
‹‹Takaisin