Kõjldõs lij jurddum tõid veʹrǧǧneeʹǩǩid da veʹrǧǧneǩ tuâjjlaid, koid sääʹmǩiõll-lääʹjj suåvvtet. Vaʹstteemäiʹǧǧ lij čõhččmannu loopp räjja. Kõjldõsblaaŋk liâ sääʹmǩiõlin da lääddas.

Kõjldõsblaaŋk lia jurddum kååʹdd da kåʹddõhttõõzzi, riikk da õlmmsai vaaldšemvuuʹdi da sääʹmkruuggi tuâjjlažkådda. Puk vasttõõzzid ǩiõttʼtõõlât naʹddjemnallšemvuõđâld.

Sääʹmǩiõll-lääʹǩǩ (1086/2003) lij leämmaž viõǥǥâst pâʹjjel 10 eeʹǩǩed. Kõjldõõzz jurddân lij čiõlʹǧǧeed sääʹmǩiõl âânnmõõžž veʹrǥǥneǩ-kääzzkõõzzin, tuâjjlai sääʹmǩiõl silttõõzz da sääʹmǩiõllsaž kääzzkõõzzi veeidasvuõđ. Sääʹmteʹǧǧ vähss lääʹjj suåvvtummuužž da oudd raʹvvjõõzzid ǩiõll-lääʹjjšeâttmõʹšše kuulli kõõččmõõžži diõtt di tuejjad alttõõzzid vuâmmšem pannaaʹšši pueʹreem diõtt Čiõlǥtõõzzâst raajât raportt. Čiõlǥtõõzzâst da kõjldõsblaaŋkâst oudd lââʹssteâđaid sääʹm ǩiõllstaanpiisar Siiri Jomppanen, teʹlfon 010 839 3111.