| Sääʹmteʹǧǧ teāđat |
|
|
|
Sääʹmteʹǧǧ lij alttääm tuʹtǩǩeemhaʹŋǩǩõõzz, koon mieʹrren lij raajjâd säʹmmlai äʹrbbvuõđla˛ jieʹllemvueʹjji vueʹjj kuõskki indikaattor. Haʹŋǩǩõõzz väʹlddteäggteei lij Mädd- da meäʹcctäällministeria, kååʹtt miõđi haʹŋǩǩõʹsse mäddtäälltääl ooudeemfoondâst, luâttjieʹllemvueʹjji da puäʒʒtääl ooudeemtuåimmjummu˛ kuõskki tuʹtǩǩõõzzid vaʹrrjum mieʹrrtieʹǧǧest veäʹǩǩtieʹǧǧ. Sääʹmteʹǧǧ lij haʹŋǩǩõõzz čõõđteeʹjen da vueʹssteäggteeʹjen.
Haʹŋǩǩõõzz mieʹrren lij čiõlggeed säʹmmlai äʹrbbvuõđla˛ jieʹllemvueʹjji vueʹjj da ouddnummu˛. Täävtõssân lij še väʹldded ââʹnnma äʹrbbvuõđla˛ sääʹmjieʹllemvueʹjji vueʹjj da ouddnummu˛ kuõskki indikaattor. Indikaattor raajjmõš lij vueʹss biodiversiteʹttsuåppmõõ˛˛ 8 (j)-artikla tueiʹmmepiijjmõõ˛˛. Artikla õõlǥat suåppmõšvueʹsspieʹlid suõjjeed alggmeerai biodiversitetta kuulli äʹrbbvuõđla˛ teâđ. Lääʹddjânnmest suåppmõõ˛˛ artikla 8 (j) kuâskk säʹmmlaid, da artikla âlgg nääiʹt suõjjeed sääʹm luâđ määŋghämmsa˛vuõʹtte kuulli äʹrbbvuõđla˛ teâđ, kååʹtt očndââtt sääʹm luâđââʹnnmest da äʹrbbvuõđla˛ jieʹllemvueʹjji vueʹǩǩâʹttmest.
Sääʹmteʹǧǧ lij pâʹzzlâšttam-mannust 2015 vuõlttääm haʹŋǩǩõõzz kõjldõslomaakk kuõskeeʹl sääʹmǩiõli âânnmõõ˛˛ da äʹrbbvuõđla˛ jieʹllemvueʹjjid. Lomaakk vuõltteeš vaal-luʹvddkååʹdd iʹlmmtõskoorti mieʹldd pukid Lääʹddjânnmest, Taarrâst da Ruõccâst jälsteei oummid, kook lie Sääʹmteeʹǧǧ vaal-loǥstõõǥǥâst. Raukkum mieʹrräigga (1.6.2015) mõõneeʹst Sääʹmtegga lie maacctam nuʹtt 920 lomakkâd. Vaʹstteemproseʹntt lij nääiʹt nuʹtt 16 %.
Sääʹmteʹǧǧ haaʹlad teäʹddeed haʹŋǩǩõõzz vää˛naivuõđ
Säʹmmlai pirr lie norrum statistikkteâđ occanj 1990- da 2000-lååǥǥain, ij-ǥa leäkku ni teâtt äʹrbbvuõđla˛ sääʹmjieʹllemvueʹjjid vueʹǩǩõʹtti oummui meäʹrest Lääʹddjânnmest. Haʹŋǩǩõs pohtt ođđ teâđ säʹmmlai dommvuuʹd da säʹmmlai jieʹllemvueʹǩǩraajõõzzâst. Haʹŋǩǩõõzz puåđõõzzid lij mieʹrren ââʹnned še äuʹǩǩen ooudeʹmmen sääʹmjieʹllemvueʹjjid kuõskki lääʹjjšeâttmõõ˛˛ da vaaldšummu˛ vuâđđteâttan sääʹmjieʹllemvueʹjji vueʹjjest da ooudeemtaarbin. Haʹŋǩǩõs ooudči teâđ še tõʹst, kâʹll säʹmmla vuäǯǯa vuõss-sâjjsa˛ piʹrǧǧummšeez sääʹmjieʹllemvueʹjjin da tõi lââʹssjieʹllemvueʹjjin di kâʹll säʹmmla däs jeeʹres kääzzkõõzzin, da nääiʹt vueiʹtet raajjâd obbkaart tõʹst, måkam sääʹmjieʹllemvueʹǩǩraajõs lij.
Haʹŋǩǩõõzz oʹhjjeemjoukk lij tuʹmmjam, što lomaakk maacctemääiʹj jueʹtǩet 15.10.2015 räjja. Sääʹmteʹǧǧ räukk tiuddeed kõjldõslomaakk da maaccted tõn lomaakk mieʹldd puättam vaʹsttemkonfeârtin. Vaal-luʹvddkååʹddest vuäitt taarb mieʹldd raukkâd ođđ lomaakkid vääʹldeeʹl õhttvuõđ addrõʹsse
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Lââʹssteâđ:
Tiina Sanila-Aikio
Sääʹmteeʹǧǧ saaǥǥjååʹđteei di haʹŋǩǩõõzz vasttõõzzla˛ jååʹđteei
teʹl. 050 300 1780
tiina.sanila-aikio(at)samediggi.fi
|
|
| Viimeksi päivitetty ( 21.09.2015 ) |