Lääʹddjânnam vuâđđlääʹǩǩ (731/1999)

Lääʹddjânnam vuâđđlääʹǩǩšiõttõõžž oođeeš eeʹjj 1999 nooreeʹl ääiʹjab nellj pååđ vuâđđlääʹjj õhttân lääʹǩǩen. Ođđ vuâđđlääʹǩǩ šõõddi viõʹǩǩe 1.3.2000. Säʹmmlai vuâđđvuõiggâdvuõđin šiõtteeš vuõss vuâra eeʹjj 1995 viõʹǩǩe šõddâm halltõsvueʹjj muttõõzzin. Ođđ vuâđđlääʹjjest seämma šiõttõs lij vuâđđvuõiggâdvuõđi kuõskki 2 lååǥǥ 17§ 3 momenttest:

"Säʹmmlain vuõssnarooden da romanlain da jeeʹres äʹrttlin lij vuõiggâdvuõtt ââʹnned da ooudâsviikkâd jiiʹjjes ǩiõl da kulttuur. Saaʹmi vuõiggâdvuõđâst ââʹnned ǩiõl veʹrǧǧneeʹǩǩin šiõtteet lääʹjjin."

Saaʹmid kuulli kulttur-jiiʹjjesvaaldšemvuõđâst šiõtteeš vuõss vuâra eeʹjj 1996 aalǥâst viõʹǩǩe puättam halltõsvueʹjjin 51a §:fin. Ođđ vuâđđlääʹjj seämma šeâttõs lij vaaldšem da jiiʹjjesvaaldšemvuõđ kuõskki 11 lååǥǥâst, koon 121§ 4 momeent mieʹldd:

"Saaʹmin lij säʹmmlai dommvuuʹdest ǩiõl da kulttuur kuõskki jiiʹjjesvaaldšemvuõtt tõn mieʹldd ku lääʹjjest šïõtteet."