| Sanna Guttorm sää´mteeǧǧi čiõ´lǧǧeei sâjjsažvuõtt tuåi´mme |
|
|
|
Sää´mtee´ǧǧi takai konttrest ooccâmnalla leämmaš čiõ´lǧǧeei (Kati Eriksen) sâjjsažvuõ´tte lij valddum vuõiggâdvuõtt’tiõđ kandidaatt Sanna Guttorm. Čiõ´lǧǧeei tuâjjan lij håiddad vaaldšemšuurmõ´sse kuulli juõ´ǩǩpeivvsaž vaaldšemvuõđlaž tuâjaid, mâ´te ââ´nned huõl sää´mtee´ǧǧi da takaisååbbar valmštõõllmest vaaldšemšuurmõõzz håiddmen vuä´ssäiggsen Sää´mkulttuurkõõskõs projektšuurmõõzz tuâjaid.
Sanna Guttorm alttad tuâjj tä´lvvmannu 14. peei´v 2009. Suu tuåimmpäi´ǩǩen lij Sää´mtee´ǧǧi takai koontâr Aanar Riutulast.
Čiõ´lǧǧeei sâjjsažvuõđ o´cce Sanna Guttorm lââ´ssen nellj persoon: Raisa Järvenpää, Heidi Kitti, Hanna Mattila ja Nina West. Tu´mmstõõǥǥ čiõ´lǧǧeei vä´lddmest tuejjii Sää´mtee´ǧǧi vaaldšemšuurmõs Juha Guttorm Sää´mtee´ǧǧi tuâjjriâššâm mie´lddsânji 9.1.2009.
Lââ´ssteâđaid Juha Guttorm, vaaldšemšuurmõs, t. 010 839 3102. |
|
| Viimeksi päivitetty ( 16.01.2009 ) |