|
Sää´mte´ǧǧ lij obbžurr POLURA maadârdõõzzâst |
|
|
|
Sää´mte´ǧǧ halltõs uu´di 17-seiddsa ceälkkmuužž Mädd- da meä´cctäällministeria valmštõllum halltõõzz maadârdõõzzâst puäʒʒtääl- da jie´llemvue´ǩǩjääl teäggtõõzzâst (mâŋŋa POLURA) såb-brest 28.5.2009.
Sää´mte´ǧǧ lij obbžurr tõn vuâkka mä´htt POLURA-lää´jjšiõttõs lij valmštõllum. Ee´jj 2007 vuâđđlää´jjvälljkå´dd lij oudldam, što sää´mtee´ǧǧ ee´ttkâ´sttmõš lij ainsmâ´tted aalǥâst ää´ljee´l da valdiasååbbar âl´ǧǧed riõmmâd obboođumu´šše, ko´st sää´m kulttuursaž da vuõiggâdvuõđlaž spe-sialstaattus vää´ldet ää´ššmie´lddsânji lokku. Vuâđđlää´jjvälljkåå´dd vuä´pstõs i´llakku teâuddjõõvvâm. Sää´mte´ǧǧ vuäinn POLURA e´tǩǩõõzz nu´tt, što tõt lij šiõlggsânji sää´mnarood da sää´mpuäʒʒhåiddkulttuur čårsteei kõskkvuõđâst puäʒʒhoiddu. Sää´mte´ǧǧ lij aaibâs obbžurr lää´ǩǩtekstta da tõn sii´sǩest åårrai ä´ššvââ´jjid da teekstest aiccum ǩiõččâmvue´ǩǩvuõ´tte sää´mpuäʒʒhååid beälla.
|
|
Viimeksi päivitetty ( 03.06.2009 )
|