Reidd Njeä´llem vuu´d ââ´nnem diõtt lij pä´rttääm Lää´ddjânnam meeraikõskksaž slää´v da vuäǯǯam äigga säärnõõttmõõžž YK jee´res organjai beä´lnn. Lij vääžnai što ää´šš vuei´tte suåppâd saaǥǥstõõllmõõžži pääi´ǩ Sää´mte´ǧǧ sp´ässbââšš kuhttuid vue´ssbeä´lid, Paadar viilljžid da Meä´cchalltõõzz vaalmâšvuõđâst saaǥǥstõõllmõ´šše da täättast suåppâd reeidast. Tu´mmstõk čuäjad, što saaǥǥstõõllmõõžžin vuei´tet suåvted õ´htte sää´m puäǯǯhååid da meä´cctääl intreezzid seämma vuu´dest.

Sää´mte´ǧǧ tuäivv, što Mädd- da meä´cctäällministeria oudd puõ´ttiääi´jest še Meä´cchalltõ´sse vaalmâsvuõđid suåvtõõllâd meä´ccreeidaid da Meä´cchalltõõzz puu´tteemtäävtõõzzâst saa´mi dommvuu´dest čåuddââđčeš. Meä´cchalltõõzz, Sää´msuåvtõõzz da Sää´mtee´ǧǧ saaǥǥstõllum õhttsažmaadârdõs PEFC – meä´ccsertifiointkriteerân sää´mkulttuur da sää´mjie´llemvue´jji staannâm diõtt puätt cõggâd ođđ risttreeidaid vuu´di mäddââ´nnmest.

Lââ´ssteâđaid:

Sää´mtee´ǧǧ saaǧǧjåå´đteei Klemetti Näkkäläjärvi