Ǩee´rjtumuš vuäitt lee´d jurdd, tuäivv le´be täävtõs tõ´st, mõõn vue´jjest sämmla jeä´lle da liâ kuâhttlo ee´jj ǩee´jjest. Mâi´d sä´mmla tuejjee da mõõnnallšem maai´lmest sä´mmla jeä´lle ee´jjest 2030?

Ǩee´rjtemǩeâštõõttmõ´šše vuä´itte vuässõõttâd 10–29-ekksa sää´mnuõr, kook jiâ leäkku čõõđtam mooččâsǩe´rjjlaž tuejjõõzz le´be jii´jjesteäggtemtuâi. ǩeâštõõttmõ´šše vuäi´tte vuässõõttâd jäänmõsân 4 seeid teekstin, leša ǩeâštâttemteekst vuäi´tte lee´d še vuänkab. Ǩee´rjtumuužži šlaajjnääll lij pååđvä´lddlaž da ǩiõllân vuä´itte lee´d sää´m- le´be lää´ddǩiõl.

Ǩee´rjtemǩeâštõõttmõõžžâst vuäi´tte lee´d kolmm rääid. Ǩeâšttõõtti räidd meä´rrââtt ee´jj mie´ldd. Rääidai pue´rmõõzz ciistât Sää´mtee´ǩǩ Nuõrilu´vddkåå´dd-ha´ŋǩǩõõzz riâššum Sää´mnuõri konfereensest kålggmannu 16. peei´v 2009 Suâlčiõ´ljest. Konfereensest puu´tet lââ´ssen čuä´jtemnalla ǩee´rjtemǩeâštõõttmõõžžâst vuåǩǩum aunnsid. Su´vddjen ǩee´rjtemǩeâštõõttmõõžžâst tuåimmje Rauna Paadar-Leivo da Mikkal Morottaja.

Ǩeâštõõttâmrääid:

1. 10–13-ekksa

2. 13–18-ekksa

3. 18–29-ekksa

Ǩee´rjtõõzzid jeät maacctukku mååusat, leša tõk seeiltet Sää´mtee´ǩǩ arkiivâst. Saa´mi päärnaikulttuurkõõskõõzz täävtõssân lij tuåimtet čõõđtumuš ǩee´rjtemǩeâštõõttmõõžž teekstin ee´jjest 2010. Ǩee´rj kaart’tõõzz diõtt ǩee´rjtõõzzid vuäitt õhtteed še tee´mme suåppi smildõõǩǩid le´be piirstumuužžid. Ǩee´rjtemǩeâštõõttmõ´šše vuässõõtti vuei´tte tiuddeed mie´ldd puättam låå´vv ǩee´rjtõõzzi čõõđtem diõtt. Vuâlla 18-ekksain âlgg raukkâd puârrsi/peâmmai låå´pp.

Ǩee´rjteei nõõmin, ee´jjin da kontakt-teâđain nâânuum ǩee´rjtõõzz â´lǩǩe tuåimtet mââimõõzzâst

kålggmannu 2. peei´v 2009 mõõnee´st .

Ǩeâštõõttâmtuâi vuõltteed addrõ´sse:

Nuorisolautakunta-hanke/Saamelaiskäräjät

Angelintie 696

99800 INARI

Lââ´ssteâđaid:

Päärnaikulttuurkõõskõs                                                 Nuõrilu´vddkåå´dd-ha´ŋǩǩõs

Tuejjumuužžjåå´đteei Petra Biret Magga                         Projektreâugglaž Anne Länsman

petra.magga(at)samediggi.fi                                            anne.lansman(at)samediggi.fi

010 83 93 110                                                               010 83 93 134