Sää´mmusikk-kõõskõs lij Sää´mtee´ǧǧ vuâlaž kõõskõs, kåå´tt ooudâs veekk määŋgnalla sää´mmusiikk jee´res musiikkvuä´zzid. Kõõskõõzzâst lij õhtt mie´rräiggsaž tuâjjlaž.

Visio:

Sää´mmusikk-kõõskõs stäänn ää´rbvuâlaž saa´mi vokaalmusikkšlaajji (luohti, leu´dd da livđe) ruõkkmõõžž da ooudâsviikkmõõžž, reäšš jie´lli da ouddneei sää´mmusiikk mätt’tõõzz, ta´rjjad raammid sää´mmusiikk raajjmõ´šše, veekk ooudâs musiikksilttumuužž, kägg sää´mmusiikk imago da tõn pääi´ǩ lââ´zzat peerstumuužž da oudd jie´llemiskkâr sää´mmusi´ǩǩe.

Sää´mmusikk-kõõskõõzz vääžnmõs tuåimmjumuužž liâ juõi´kkmätt’tõõzz riâššmõš sää´mvuu´d škooulid. U´čtee´len puä´tte lee´d ä´rbbvuõđkuõ´ddi, koin lij juõi´kkä´rbbvuõtt huâdast da pâ´stte nääi´t se´rdded kaallsõs preeddan škooulipääi´ǩ nuõrab puõlvvõõǥǥid. Tuâjj lij o´dinaknallšem da täin ǩiččlõõđât staaneed ä´rbbvuâlaž saa´mi vokaalmusikkšlaajji ruõkkmõõžž da ooudâs juä´tkkjumuužž. Lââ´ssen Sää´mkultturkõõskõs stäänn še ođđ sää´mmusiikk mätt’tõõzz da reäšš u´čtee´li škoou´l’jumuužžid sää´mmusiikk beä´lnn. Iinnte´mes inn lij alggmeerai musiikkpodd, kåå´tt riâžžât Aanrest juõ´ǩǩ ee´jj. Musikkpoodd riâššjen Sää´mmusikk-kõõskõs lij vääžnmõs sââ´jest tän riâššâm tuâjast.

 Tuva –nõmmsaž vuu´d čooddlaaulčeä´pp Igor Koshkendei leäi võddõõttmen sää´mpäärnaid på´rǧǧmannust 2011 Aanrest.

Sää´m-musikk-kõõskõs lij Sää´mkultturkõõskõõzz Sajoozz aktivlaž tuåimmjeei. Sajos ta´rjjad šiõǥǥ raammid Sää´m-musikk-kõõskõõzz tuåimmjumu´šše. Sää´m-musikk-kõõskõs reäšš Sajõõzzâst konseerttid da jee´res mu´siǩǩe kuulli musikkpooddid.

Sää´mmusikk-kõõskõõzz tuåimmjumuužž teäggad Mätt’tõsministeria.

Iinnte´mes inn–alggmeerai musikkpodd: www.ijahisidja.fi

Sää´mkultturkõõskõs Sajos: www.sajos.fi