Ǩeâštõõttmõõžž rä´tǩǩad 10-vuässla cisttlu´vddkå´dd, koozz ko´lle õhtt võboršeǩ juõ´ǩǩ kulttuurkõõskõõzz õõ´nniorgansaatiast –(õhttse´žže 8 võborše´ǩǩed) di võboršee´ǩǩ Senaattǩiddõõzzin da kulttuurkõõskõõzz arkktehttuursažǩeâštõõttmõõžž vuäittam plaaneemä´rttlest. Lu´vddkå´dd lij nõõmtam kõõskstes 4-vuässla tuâjjvälljkåå´dd ärvvtõõllâd puättam nõmme´tǩǩõõzzid di valmštõõllâd cisttlu´vddkådda maadârdõõzz ǩeâštõõttmõõžž vuõi´ttivõboršee´ǩǩin.

Nõmmǩeâštõõttmõš rieššeš vuõssmõš vuâra kålggmannust 2009, kuä´ss mie´rrääi´jest puättam da cisttlu´vddkåå´dd såbbrest 10.12.2009 ǩiõtt’tõõllâm da ärvvtõõllâm diõtt primmum nõmme´tǩǩõõzz le´jje õhttse´žže 69. Cisttlu´vddkå´dd kuõ´đi ääveǩâni kutt mäŋŋlest puättam le´be mudoi šeâttõõzzi vuâsttsânji tuåimmtum e´tǩǩõskonfeârtted.

Nõmmǩeâštõõttmõõžžin occeš sää´mkulttuurkõõskõ´sse vuä´nkõs, miõ´llepâššneei da jeärsmeei sää´mǩiõllsaž nõõm, kåå´tt čiõlggad kulttuurkõõskõõzz kulttuur ju´rddemvuâđ da miârkkšõõvvmõõžž, sää´m jii´jjesnallšemvuõđ, kookkas vuällai da määŋgpeällsa tuåimmjumuužž di tõn arkktehtuursa åå´bleǩǩiõl.

Cisttlu´vddkå´dd såbbrõõžži ´vvlest 13.1.2010 ǩiõtt’tõõllâd nõmmǩeâštõõttmõ´šše valljuum tuâjjvälljkåå´dd maadârdõõzz nõmme´tǩǩõõzzin di ođđ, ta´rǩǩuum ǩeâštõõttâmšeâttmõõžžin. Cisttlu´vddkå´dd leäi seämma miõlâst tuâjjvälljkoo´ddin tõ´st, što ärvvtõõllâm diõtt primmum nõmme´tǩǩõõzzin ij käunnjam ni õhtt ǩeâštõõttâm šeâttmõõžži mie´lddsaid õõlǥtõõzzid tiu´ddi e´tǩǩõs. Tõn nuä´je´ld cisttlu´vddkå´dd riâžži maadârded tuâjjvälljkåå´dd maadârdõõzz mie´lddsânji, što Sää´mte´ǧǧ reäšš ođđ, cisttlu´vddkåå´dd primmum šeâttõõzzi mie´lddsa nõmmǩeâštõõttmõõžž 18.1.2010 –17.3.2010. Ǩeâštõõttâmäi´ǧǧ lij kue´htt mannu. Ođđ ǩeâštõõttmõõžžâst vää´ldet lokku notta jee´res õõlǥtõssâd cisttlu´vddkåå´d 10.12.2009 heelǥuum e´tǩǩõõzzid.

Ođđ ǩeâštõõttmõš šeâttõõzzid di vuõssmõs nõmmǩeâštõõttmõ´šše puättam primmum e´tǩǩõõzz käunnje Sää´mkulttuurkõõskõõzz dommseeidain www.samediggi.fi/skk 18.1.2010.

lââ´ssteâđaid oudd Sää´mtee´ǧǧ vaaldšemšuu´rmõs da cisttlu´vddkåå´dd piisar Juha Guttorm te´lf. 0400–142 518, cisttlu´vddkåå´dd saaǥǥjåå´đteei Janne Näkkäläjärvi te´lf. 040- 7599 427 di cisttlu´vddkåå´dd vää´rrsaaǥǥjåå´đteei Eija Leivo te´lf. 040–8304 886