Sää´mtee´ǧǧ vuõccu ååraš vuässlaž Pekka Aikio vaalšeš puõ´tti sää´mtee´ǧǧvaali vaal-lu´vddkåå´dd saaǥǥjåå´đteejen. Jee´res vaalšum vaal-lu´vddkåå´dd vuässla liâ Juha Magga Enontekiöst (vää´rrvuässlaž Nils Henrik Valkeapää), Maria Sofia Aikio Uccjooǥǥâst (vää´rrvuässlaž Vieno Länsman), Marjaana Aikio Aanrest (vää´rrvuässlaž Oula Valkeapää) da Ilmari Laiti Aanrest (vää´rrvuässlaž Marja Männistö). Pekka Aikio vää´rrvuässli´žžen nõõmteš Päivi Magga Vuõccust.

Sää´mtee´ǧǧ puõ´tti vaal tuåimtet čâhčča 2011. Täin vaalin vaalšet sää´mtee´ǧǧ vaalpââ´jj ee´jjid 2012-2015.