Sää´mnuõri musiikk puätt Ruä´vnja´rǧǧe |
![]() |
![]() |
Ruä´vnjaarǥ gåårad nuõripäi´ǩǩ Mondellast lääulet, juõikkjet da musiikkâ´stted tâ´vv-, aanar- da nuõrttsää´m ǩiõlin mâŋŋa ee´jjpeei´vi. Sää´mnuõri čeä´ppvuõđpei´vv (Sámenuoraid dáiddadáhpáhus) nåårr pâ´jjel 300 sää´mnuõrrâd Ruä´vnja´rǧǧe njuhččmannu 7.-8. peei´v Čeä´ppvuõđpei´vv riⲲât åå´n vuõssmõs vuâra sää´mvuu´d åålǥbeä´lnn.
Čeä´ppvuõđpei´vv. haa´leeš riâššâd Ruä´vnjaarǥâst, ko gåårdest liâ e˛a jiânnai sää´mnuõr, kook jiâ leäkku ääi´jab vuässõõttâm čeä´ppvuõđpeivva da occnja˛ mie´rr sää´mnuõrin lij vuäǯǯam sää´mǩiõl mätt’tõõzz škooulâst. Sää´mnuõri čeä´ppvuõđpeei´vid liâ riâššâm ju´n 1970-lååǥǥast ää´ljee´l.
Vä´lddriâšši sää´mte´ǧǧ haa´lad, što čeä´ppvuõđpei´vv lij vuäittmõõ˛˛i mie´ldd mäŋggsi sää´mnuõri vuällamvuõđâst. Čeä´ppvuõđpeei´v jurddân lij äjšmâ´tted sää´mǩiõl mätt’tõõttmõ´šše. Čeä´ppvuõđpei´vv tuärjjad nuõri čeäppõs-staarjõõzzid da sää´mǩiõl âânnmõõ˛˛. Määŋgas tobddum čeäppnee´ǩǩ liâ vuäǯǯam vuõssmõs voddõõttâmtobdstõõttmõõ˛˛es čeä´ppvuõđpeei´vi mie´ldd. Čeä´ppvuõđpei´vv lij o´dinakai juõ´ǩǩekksa˛ sää´mǩiõllsa˛ nuõripodd Lää´ddjânnmest.
Teemmân musiikkSää´mnuõri čeä´ppvuõđpeei´vin teemmân lij tän ee´jj musiikk jee´res šlaajeezvui´m. Čeä´ppvuõđpeivva liâ i´lmmtõõttâm 22 musiikk voddõõttjed le´be â´rttled, koin liâ õhttse´˛˛e 150 ǩeâšttõõttmõ´šše vuässõõttjed. Čuäjtõõzz ee´ttkâstte tâ´vv-, aanar- da nuõrttsää´m ǩiõlid. Nuõr puä´tte čeä´ppvuõđpeivva sõrgg juõ´ǩǩ sää´mvuu´d škooulin. Ruä´vnjaarǥâst mie´ldd liâ i´lmmtõõttâm kolmm ä´rttel/voddõõtti. Čeä´ppvuõđpeivva riⲲât buss jåå´đtumuu˛˛ juõ´ǩǩ å´rnn sää´mvuu´din.
Čeä´ppvuõđpei´vv älgg seärad njuhččmannu 7. peei´v Nivavaara vue´llškooul škooulâst čiâss 18.30 Kiiruna Sää´m Tea´tter čuäjtõõzzin Ovtta guovvamánoija (Õhttân tä´lvvmannu innân). Jeä´ǩǩää˛ juätkkai nuõripäi´kk Mondellast čiâss 20.00 riõššum säämas rokkmusiikk mie´lddsa˛ SomBy konseertin. SomBy lij tobddum slää´ves diõtt Lää´ddjânnam lââ´ssen Taarrâst da Ruõccâst. Mõõnni čõõuč sij pu´htte euroopla˛ minoritettä´rttli laaulǩeâšttõõttmõõ˛˛âst Liet internationaalsa˛ ciist Lää´ddjânnma. SomBy äävad Ruä´vnjaarǥ čeä´ppvuõđpeei´v debyyttialbumes Álas eana (päälljas mädd) čõõđtempoodd.
Čeä´ppvuõđpeei´v äi´ǧǧen vuäitt tobdstõõttâd sää´m musii´ǩǩe, ǩe´rjjvuõ´tte da ǩiõtt-tuâjaid. Saa´mi ǩiõtt-tuâjjlai seä´rvv Sámi Duodji ry vuässââtt čuäjtõõđee´l da kaaupšee´l ouddseez.
Sää´mnuõri čeä´ppvuõđpei´vv kooll vä´lddkååddla˛ Nuõri kulttuur čeä´ppvuõđpeivva, koon jeät riâššu tä´n ee´jj. Mätt´tõsministeria teäggat sää´mnuõri čeä´ppvuõđpeei´v še tän ǩiiđ. Čeä´ppvuõđpeei´v reä´šše Sää´mte´ǧǧ, Saa´mi päärnaikulttuurkõõskõs, Ruä´vnjaarǥ gåårad da Ruä´vnjaarǥ sää´mseä´rvv Mii ry.
Čeä´ppvuõđpei´vv lij hää´sǩes da eunnsa˛ sää´mnuõri prää´zneǩ, ko määccǩivui´m raakktõõttâm sää´mnuõr puä´tte Ruä´vnjaarǥ uu´lecpirrõõzz hiârvted! Pukid čeä´ppvuõđpei´vv pooddid lij määuste´mes piâssmõš.
Lââ´ssteâđaid:Kaisa Tapiola kaisa.tapiola(at)samediggi.fi tlf. 010 839 3132, 050 435 0177 www.samediggi.fi http://www.myspace.com/sombyfinland http://www.rovaniemi.fi/suomeksi/Palveluhakemisto/Nuoret/Nuorisotilat.iw3 |
|
Viimeksi päivitetty ( 05.04.2010 ) |