Sää´m lu´vddkådda nõõmteš ođđ vuässlaid |
![]() |
![]() |
Sää´m parlamenttaarla suåvtõõzz sååbbar nõõmti ođđ vuässlaid koolm Tâ´vvjânnamlaž da Ruõšš
saa´mi õhttsaž sää´m ǩiõll-lu´vddkådda.
Ođđ ǩiõll-lu´vddkå´dd tuåimmai ee´jj 2011 loopp räjja da tõt ee´ttkâstt õhttse´žže čiččâm sää´mǩiõllâd. Parlamenttaarlaž suåvtõs noorõõđi Ruä´vnjaarǥâst 14.4.
Sää´m ǩiõll-lu´vddkåå´dd vuässli´žžen pâjja 2010-2011 nõõmteš puõ´tti persoonid:
Lää´ddjânnmest tâ´vvsää´mǩiõl ee´ttkâstt Vesa Guttorm (vää´rrvuässlaž Petra Biret Magga-Vars), aanarsää´mǩiõl Petteri Morottaja (Ilmari Mattus) da nuõrttsää´mǩiõl Erkki Lumisalmi (Jouni Moshnikoff).
Ruõššjânnmest ǩi´lddsää´mǩiõl ee´ttkâstt Nina Afanasjeva (Nadesha Zolutuhina), tââ´rjǩiõl Nina Mironova (A.F. Zaharov) da nuõrttsää´mǩiõl Zoja Nosova (Irina Tychuk).
Ruõccâst tâ´vvsää´mǩiõl ee´ttkâstt Inger Hansson Omma (Marianne Marainen), luulajasää´mǩiõl Per Anders Vannar (Gun Aira) da saujjsää´mǩiõl David Jonasson (Sigrid Stångberg).
Taarrâst tâ´vvsää´mǩiõl ee´ttkâstt Rolf Olsen (Tor Magne Berg), luulajasää´mǩiõl Heidi Andersen (Sigmund Johnsen) da saujjsää´mǩiõl Lena Kappfjell (Jonar Thomasson).
Ǩiõčč tä´st. |
|
Viimeksi päivitetty ( 18.04.2010 ) |