| ”Čiõlǥtõs saa´mi ooumažvuõiggâdvuõđin lij jii´jjesnallšem” |
|
|
 - Saa´mi ooumažvuõiggâdvuõđid ǩiõtt’tõõllâm čiõlǥtõõzz raajjmõš lij jii´jješnallšem tuâjj.
- Äi´ggsab vuõssnaroodi ooumažvuõiggâdvuõtt-teâđtõõzz liâ leämmaž valdia mie´lddsa, koin
määŋgain liâ määŋg vuõssnarood. Saa´mi ooumažvuõiggâdvuõđid ǩiõtt’tõõllâm čiõlǥtõs lij
vuõssmõs, kåå´tt puätt ǩiõtt’tõõllât õõut narood neellj valdia vuu´dest, tuõđi YK
vuõssnarooditeâđteei James Anaya Ruä´vnjaarǥâst.
Snimldõõǥǥâst YK vuõssnaroodi vuõiggâdvuõđi spesialteâđteei, professor James Anaya Ruä´vnjaarǥâst. Snimldõk: Sára Márjá Magga.
Spesialteâđteei Anaya maainsti, što suu ǩiõččlõõttmõžžân lij ta´rǩǩõõllâd saa´mi ooumažvuõiggâdvuõđi teâuddjumuužž vuõssnaroodi ǩiõččâmvue´jj mie´ldd. Ruä´vnjaarǥâst 15.- 16.4. riõššum noorõõttâmpoodd le´jje bie´ǩǩ saa´mi, valdiai da spesialteâđteei kõskksa vuârrmainstumužž, kåå´tt juätkkai veâl mâŋŋa noorõõttâmpooddi. – Čiõlǥtõõzzi diõtt riõššum noorõõttâmpooddi mââibeä´lnn puä´tte veâl täujja lââ´ss kõõččmõõžž, koid haa´leep vasttõõzzid.
- Valmštem vue´lnn åårrai ooumažvuõiggâdvuõtt-teâđtõõzz täävtõssân lij ooudâsviikkâd vuõssnaroodi vuõiggâdvuõđi da vue´jj miõttlaž ooudâsviikkmõõžž. Čiõlǥtõs puätt ââ´nned se´st juurdpuättmõõžžid da siâssmõõžžid, kook vuâđđâ´vve Tâ´vvjânnamlaž jiijjâz vuõssnaroodes kuõskki õõlǥtumuužžid.
- Čiõlǥtõs puätt teâttan valdiai halltõ´sse, saa´mid da õõlmâsvuõ´tte da tõt maadârdet YK ooumažvuõiggâdvuõttsuåvtõ´šše. Halltõõzzi da saa´mi võboršee´ǩǩin lij vuäittmõš lee´d mie´ldd ooumažvuõiggâdvuõttsuåvtõõzz såbbrest, kåå´tt lij õlmmsaž, maainsti Anaya.
Looǥǥ spesialteâđteei James Anaya mainnâz 15.4. õ´nnum konfereens äävumuužžâst tä´st: OPENING STATEMENT OF THE SPECIAL RAPPORTEUR JAMES ANAYA 15042010 |
|
| Viimeksi päivitetty ( 23.04.2010 ) |