Sää´mǩiõl stooidâmprograamm plaanmõ älgg |
![]() |
![]() |
Mätt’tõs- da kultturministeria liâ riâššâm altteed sää´mǩiõl stooidâmprograamm plaanmõõ.
Ministeria lij piijjâm sää´mǩiõl stooidâmprograamm tuejjeei vuä´pstemä´rttel da tuâjjä´rttel.
Alttõõzz pukid koolm sää´mǩiõl da obbjânnam kuõskki stooidâmprograamm jått’tem diõtt tuejjii
sää´mte´ǧǧ.
Mätt’tõs- da kultturministeria čuäjat čõhččmannu 24. peei´v tuejjuum tu´mmstõõǥǥâst Parlameent vuâđđvälljkåå´dd tu´mmjõ´sse (PeVM 1/2010 vp – K 1/2009 vp), ko´st välljkå´dd ouddlõõ´sti halltõõzz riõmmâd prååstas ä´ppsab tuåimid sää´mǩiõl stooidâm diõtt. Välljkåå´dd mie´ldd spesialnallšem lokku välddmõš âlgg smiõttâd pue´rben vaarvuâla aanarsää´mǩiõl da nuõrttsää´mǩiõl seeiltem staanmõ´šše. Valdiasååbbar piiji čiõ´lǧǧeemtuâjstes Lää´ddjânnam ooumavuõiggâdvuõttpolitiikest (2009) täävtõssân sää´mǩiõl stooidâmprograamm raajjmõõ.
Mätt’tõs- da kultturministeria peejj sää´mǩiõl stooidâmprograamm plaaneem tuâjjä´rttel tuâjjan: - ärvvtõõllâd sää´mǩiõli vue´jj da tõn pue´reem diõtt puki koolm Lää´ddjânnmest mainstum sää´mǩiõl vuäzzest da - raajjâd alttõs obbvälddlanallšem da ku´ǩesää´ij ǩiõččâmvue´jj mie´lddsa sää´mǩiõl stooidâmprogrammân.
Stooidâmprograamm âlgg sii´sǩeed alttõõzzid, kook kuâ´sǩǩe sää´mǩiõli tu´tǩǩeem da ǩiõlhuõl, sää´mǩiõl mätt’tem da sää´mǩiõllsa škoou´l’jem, sää´mǩiõllsa kulttuur tue´rjjeem, sää´mǩiõllsa pei´vvhååid da ǩiõllpie´sstuåimmjumuu di jee´res nåkkam õhttsakå´ddjie´llem vuä´ssvuu´did, koin ra´vvjet saa´mi vuõiggâdvuõđ tuõttää´ššlânji kâ´dded da ooudâsviikkâd ǩiõles da kulttuures vä´lddkåå´dlânji. Tuâjjä´rttel âlgg vä´ldded lokku sää´mǩiõli vue´ǩǩ da ooudâsviikkâmkuâsttmõõid še jee´res Tâ´vvjânnmin.
Ha´ŋǩǩõõzz vuä´pstemä´rttel saaǥǥjåå´đtee´jen tuåimmai pâ´jj’jåå´đteei Sakari Karjalainen mätt’tõs- da kultturministeriast da vuässli´en pâ´jjta´rǩǩeei Katri Santtila mätt’tõs- da kultturministeriast, ålggaa´ššipiizar Suvikki Silvennoinen ålggaa´ššiministeriast, jåå´đteei Johanna Suurpää vuõiggâdvuõttministeriast, pâ´jjta´rǩǩeei Panu Artemjeff sii´sǩaa´ššiministeriast, finansspiizar Annika Klimenko valdiateä´ǧǧministeriast, saǥstõõlli ve´rǧǧoouma Hillevi Lönn tuâjj- da jie´llemvue´ǩǩministeriast, saǥstõõlli ve´rǧǧoouma Viveca Arrhenius sosial- da tiõrvâsvuõttministeriast, jåå´đteei Jorma Kauppinen Mätt’tõshalltõõzzâst, vaa´rrsaaǥǥjåå´đteei Irja Seurujärvi-Kari sää´mtee´ǧǧest (tâ´vvsää´mǩiõll), vaa´rrsaaǥǥjåå´đteei Erkki Lumisalmi sää´mtee´ǧǧest (nuõrttsää´mǩiõll), rehtor Yrjö Musta sää´mtee´ǧǧest (aanarsää´mǩiõll), pââimõsškooullehtor Marja-Liisa Olthuis Oulu pââimõsškooulâst (Giellagas –instituutti), Martti Laiti City Sámit ry:st, juâkkazjåå´đteei Kimmo Granqvist Dommjânnamla ǩiõli tu´tǩǩeemkõõskõõzzâst, spesialä´šštobddi Kurt Torsell Lää´ddjânnam Kå´ddleettast di pâ´jjä´ššoouma Antti Arjava Lää´ddjânnam Kultturfoondâst. Tuâjjä´rttel põõšši ä´šštobddjen nõõmteš minoritettåskkoouma Eva Biaudet.
Ha´ŋǩǩõstuâjjä´rttel saaǥǥjåå´đtee´jen tuåimmai spesialplaanraajji Mikko Cortés Téllez mätt’tõs- da kultturministeriast da vuässli´en pâ´jjta´rǩǩeei Maria Biskop mätt’tõs- da kultturministeriast, jåå´đteei Johanna Suurpää vuõiggâdvuõttministeriast, halltõspiizar Hanna Kiiskinen sosial- da tiõrvâsvuõttministeriast, projektšuurmõs Petra Magga-Vars sää´mtee´ǧǧest di čuõvtemtuåimta´rǩǩeei Kari Torikka Sää´mjânnam vu´vddvaaldšemkonttrest.
Tuâjjä´rttel piizren tuåimmje mätt’tõsduumšeǩ Maija Innola mätt’tõs- da kultturministeriast, mätt’tõsduumšeǩ Leena Nissilä Mätt’tõshalltõõzzâst, škoou´l’jempiizar Ulla Aikio-Puoskari sää´mtee´ǧǧest di tu´tǩǩeei Kaarina Vuolab-Lohi Dommjânnamla ǩiõli tu´tǩǩeemkõõskõõzzâst. Tuâjj- da vuä´pstemä´rttel tuåimmpââ´jj jâskk ee´jj 2011 looppâst. |
|
Viimeksi päivitetty ( 04.10.2010 ) |